Ribadeo, 9 de agosto, 2023. O BNG de Ribadeo reclama do goberno municipal que se aclare a actuación nos distintos puntos lilás (aparecen como “Puntos Violeta” nas carpas) que o concello puxo a disposición das mozas e mulleres ribadenses en diferentes actos festivos que houbo en Ribadeo nestas vacacións. Ante a necesidade de aclarar que ocorreu neses puntos de información, nomeadamente no da Xira de Santa Cruz, e despois da denuncia do Observatorio da Mariña polo Igualdade e doutras persoas que estiveron presentes, facémonos as seguintes preguntas:
Cal foi o procedemento seguido para instalar estes puntos lilás de información e asesoramento ante posíbeis agresións sexuais nos diferentes actos que se celebraron en Ribadeo?.
Estes puntos de información, foron atendidos por persoal do concello coa debida formación para cumprir as funcións propias de tal centro de información? Foron, no seu caso, atendidos por persoas alleas ao cadro de persoal do concello?.
De ser certo isto último, que procedemento se seguiu para facer a selección e posterior contratación do persoal que atendeu ditos puntos lilás?.
Fíxose algún tipo de folleto para dar información? Dispúxose, en todo caso, de algún tipo de folleto (xa elaborado para outras actuacións doutros puntos lilás) co que informar ás persoas usuarias de dito punto de información e asesoramento?.
Estaba presente e á vista o protocolo de actuación a seguir en caso de nos atopar cunha situación de denuncia por agresión sexual? Era coñecedor o persoal que atendeu este punto lilá da necesidade de mostrar publicamente dito protocolo de actuación?
Que horarios de atención ao público se habilitaron? Cren vostedes que eran suficientes para que estes puntos de información e asesoramento cumprisen a súa función?.
Estiveron abertos ditos puntos lilás en horario nocturno, precisamente o período en que máis agresións se chegan a producir?.
Tiveron constancia continuada do desenvolvemento de actuacións por parte das persoas que atenderon ditos puntos lilás ao longo da súa apertura?.
Centrando a nosa atención no ocorrido no punto lilá da Xira de Santa Cruz:
Eran vostedes coñecedores da maneira en que se estaba a proceder na xestión dos punto lilá de Santa Cruz?.
Que teñen que dicir ao respecto da actuación das persoas destinadas a atenderen dito punto lilá na Xira de Santa Cruz?.
Cando tiveron coñecemento do que estaba a ocorrer no punto lilá da Xira de Santa Cruz (inxesta de alcohol, realización de xogos non relacionados directamente coas tarefas de tipo punto informativo, senón como puro divertimento, etc.) adoptaron algún tipo de medida ao respecto?.
Despois de todo o traballo feito ao longo de tantos anos, e que converteu a Ribadeo nun referente de loita feminista e contra a violencia machista, non cren vostedes que ocorrido cos puntos lilás nestes días bota por terra o prestixio acadado polo Concello de Riabdeo?.
O señor Abascal e Vox negan a vioencia machista. O señor Feijoo óbviaa e silénciaa por puro interese e egoísmo político e electoral. Semella que vostedes, a nivel municipal, queren facer de dita loita contra a violencia machista unha reunión entre amigos e amigas e botar unha partida. Señor alcalde, Daniel Vega, vostede dicía hai uns días nunha entrevista que Vox e o BNG se tocaban nos extremos e poñíase vostede no centro e a moderación. Que moderación pode haber en silenciar e negar a violencia machista? Que moderación e seriedade pode haber en facer da loita contra a violencia machista unha festiña entre compis. Señores concelleiros e concelleiras relacionados coa loita contra a violencia machista; señor Daniel Vega, póñanse a traballar e déixense de lerias. Gobernen, que para iso foron elixidos/as. E loiten con empeño contra a lacra da violencia machista, non a neguen nin a ignoren nin fagan dela un teatriño para sacaren unhas fotos e quedaren ben.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
