Ribadeo, 18 de agosto de 2023. O Río Breogán iniciará na vila ribadense a súa pretempada o vindeiro 30 de agosto. Será co Trofeo Concello de Ribadeo – Festas Patronais 2023, no que se medirá ao FC Porto. As entradas para asistir a este partido están á venda desde hoxe no pub Ribanzo e en Multitienda Teresa. O encontro dará comezo ás sete da tarde no pavillón municipal de Ribadeo. Na presentación do Trofeo, que tivo lugar no Parador de Turismo de Ribadeo, participaron o alcalde, Dani Vega, o director xeral do Breogán, Tito Díaz, o presidente da comisión de festas, Juan Luis López, e o concelleiro de Deportes, Francisco José Silvent.
O rexedor tivo palabras de agradecemento para o traballo realizado pola comisión organizadora das festas patronais de Ribadeo e tamén para o concelleiro e o técnico de Deportes, Francisco José Silvent e Iván López, así como para o Parador de Turismo. Vega subliñou a importancia da celebración deste torneo internacional en Ribadeo a agradeceu a disposición do Río Breogán e do seu director xeral, Tito Díaz: “Tito moitas grazas por escoller este enclave que é Ribadeo, é a túa casa, é a casa do Río Breogán, a casa do FC Porto, … Entendemos que escollestes Ribadeo. Nosoutros querémosvos, pero vosoutros escollestes Ribadeo porque sodes uns enamorados profundos de Ribadeo. E agora o que tedes que facer é ser embaixadores de Ribadeo: onde vaiades, falar ben de Ribadeo, das súas xentes, do que temos en Ribadeo, que é moito”.
O alcalde subliñou: “dende logo, un profundo agradecemento por escoller as nosas instalacións, escoller Ribadeo e naquelo que nosoutros podamos imos colaborar, tanto desde o Concello co reforzo económico como tamén desde a Xunta de Galicia, que sempre é unha colaboradora importante nos eventos que ten Ribadeo”.
Para Vega “entre todos estamos facendo máis grande Ribadeo e poñendo a Ribadeo nese marco incomparable de eventos, de festivais, de visitas guiadas, de organizar grandes eventos culturais. En definitiva, Ribadeo é o referente, sen lugar a dúbidas, dentro da provincia é o concello que máis actividades está a celebrar”.
O director xeral do Río Breogán amosouse moi orgulloso de poder disputar este trofeo en Ribadeo: “estou súper orgulloso como director xeral do Breogán. Persoalmente porque Ribadeo é a miña segunda casa de sempre; para min é imposible falar mal de Ribadeo. Todo o contrario, sempre falo ben porque non me queda outra. En nome do Breogán tamén, porque o Breogán non é un club solo de Lugo, é o club da provincia de Lugo, que empeza na Mariña e chega ata a Ribeira Sacra. Hai moita xente de Ribadeo que ven ao baloncesto, houbo baloncesto toda a vida en Ribadeo, eu mesmo xoguei ao baloncesto aquí. O baloncesto vai unido a Ribadeo”.
Para Tito Díaz “recuperar un partido de primeiro nivel para Ribadeo, ademais nunha data tan importante como é o 30 de agosto (porque é período vacacional), traerá xente a Ribadeo e a xente que estea en Ribadeo poderá desfrutar dun espectáculo como o baloncesto. Trátase dun partido internacional de baloncesto, un partido no que o Breogán empeza a súa andadura nun ano histórico para nos porque volvemos a xogar en Europa; o Eurobreo, como se está a chamar. Estamos emocionadísimos de poder volver xogar en Europa e moi responsabilizados. Queremos facer unha boa tempada e para iso temos que facer unha boa pretempada. Empeza en Ribadeo e vai vir o mellor equipo que temos. Todos os xogadores teñen moitas ganas de empezar cunha vitoria”.
O director xeral do Breogán engadiu: “agradecer á comisión de festas que se preocupe polo baloncesto, ao Concello de Ribadeo, ao Parador Turismo. O Breogán está encantado de vir a Ribadeo e volverá sempre que nolo pidan”.
Pola súa banda, o presidente da comisión de festas, Juan Luis López, indicou: “simplemente agradecer al Concello por darnos ese apoyo y la oportunidad de traer este partido a Ribadeo. Es una idea que surgió después de tantos años sin celebrarse. Poder volver a traer al Breogán a un trofeo de las fiestas patronales es un orgullo para nosotros. Claramente agradecer al Bregoán, a Tito y por supuesto nombrar a Manolo, del Ribanzo, que fue la primera llave de unión que nos ayudó a gestionar esto. Si tenemos suerte podemos llenar Ribadeo con un partido internacional, un partido de nivel. Yo como aficionado al Breogán y al baloncesto estoy muy orgulloso de poder traer este partido. Espero que sirva como buen comienzo de pretemporada para que sea un año histórico”.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
