Avanzan que arrincaron ao equipo de goberno do PP de Mondoñedo o compromiso de “estudar” de novo este orzamento. Tal e como explicamos no pleno “hai concellos na provincia que pagan polo mantementos das súas piscinas 3.000 euros”
Mondoñedo, 10 de agosto de 2023. Os Socialistas de Mondoñedo cualifican como un auténtico “escándalo o orzamento de máis de 12.000 euros”, destinado ao mantemento das piscinas municipais. Así o denunciaron na pasada sesión plenaria, celebrada este mércores, na que evidenciaron o custe desproporcionado do mantemento desta infraestrutura pública.
Os socialistas reclamaron unha rectificación desta cuantia “xa que non se sostén por ningún sitio”, o orzamento presentado no Concello para manter as piscinas. Nesa liña avanzan que arrincaron neste pleno ao equipo de goberno do PP de Mondoñedo o compromiso de “estudar” de novo este orzamento. Tal e como explicamos no pleno “hai concellos da provincia que pagan polo mantementos das piscinas 3.000 euros”, inciden.
Hai que lembrar que as piscinas municipais están situadas en Viñas da Veiga, ao carón do campo de fútbol e do pavillón polideportivo, e todo este complexo estaba sendo atendido por un operario municipal que xa se xubilou, “polo tanto nestes intres non hai ninguén ao fronte do mantemento das instalacións”.
Esperanza González argumentou, na sua intervención, que o Concello de Mondoñedo destinaba ao persoal responsable deste complexo deportivo un soldo que non superaba os 1.200 euros brutos mensuais, “e con ese orzamento ocupábase das piscinas, do campo de fútbol e o pavillón, ademais doutros traballos extraordinarios. Pero agora coas contas do PP, só a xestión das piscinas ascenden a 12.493 euros no verán. A cifra parécenos un autentico escándalo, e unha autentica tomadura de pelo á veciñanza”.
A empresa non aporta nada, nin a escoba para varrer as instalacións
Ademais hai que sinalar que tal e como consta no orzamento rexistrado pola empresa, que inclúe os meses de xulio e agosto e a primeira quincena de setembro, “non aporta nin equipos, nin maquinaria ou produtos de limpeza para o mantemento das instalacións, nin unha soa bolsa de lixo ou unha escoba para varrer as instalacións. Todos estes traballos realizánse con material do Concello de Mondoñedo”, advirten.
Moitas coincidencias
A Voceira socialista tamén fixo fincapé na coincidencia do rexistro das tres empresas coruñesas que presentaron as súas ofertas no rexistro no Concello para estes traballos. “Casualmente as tres coincidiron en rexistralo o mesmo día, o 5 de xullo, e casualmente as tres fixérono no mesmo intervalo de tempo, a mesma hora e de xeito correlativo; ás 13:25, ás 13:33 e ás 13:39, e sen mediar ningún outro expediente no medio. Pero o que nos parece aínda máis sorprendentemente destes tres orzamentos é que os tres son case idénticos, palabra a palabra e frase a frase, con guións incluídos”. “Dende o máximo respecto institucional a este equipo de Goberno, urximos ao PP a revogar este orzamento, porque non se sostén por ningún sitio”, insisten.
Preguntas
O Grupo Socialista tamén interpelou ao Goberno Local para coñecer que xestións vai realizar sobre os problemas de filtracións que afecta a vivendas dos veciños da Avenida das San Lucas, “hai familias afectadas que rexistraron ata 8 escritos e non recibiron nin unha soa contestación por parte do Concello”. Dende o Concello argumentaron que van a seguir investigando as causas destas filtracións. Por último, preguntamos si o Concello está transportando auga ás parroquias e lugares nos hai que demanda debido a cortes ou avarías. Contestaron que si, que están transportando auga onde a demandan.
Rogos
Nesta mesma sesión plenaria demandamos a través de varios rogos o arranxo dos baches do aparcadoiro ao carón da Igrexa Nova, un plan de limpeza dos parques infantís e que se abran os baños da Alameda dos Remedios.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
