A institución provincial achega 3.000€ para a organización da proba, que discorre entre os concellos de Vilalba, Xermade e Muras e convoca a 250 ciclistas
Lugo, 25 de setembro de 2023. A Deputación de Lugo colabora coa Ruta BTT Terra Chá Queixo San Simón da Costa, que se celebra o vindeiro sábado 7 de outubro entre os concellos de Muras, Xermade e Vilalba. A Deputada de Muller e Igualdade, Marisol Morandeira, participou este luns na presentación a cita, un acto que tivo lugar na Casa da Cultura da capital chairega, e que contou tamén coa presenza da Alcadesa de Vilalba, Elba Veleiro; o Alcalde de Xermade, Roberto García Pernas; o Alcalde de Muras, Manuel Requeixo; e o organizador da proba e presidente do Club Ciclista Terra Chá, José Carreira.
Marisol Morandeira deu os parabéns aos organizadores por sacar adiante a Ruta, “xa consolidada no calendario deportivo da provincia. Aínda que este ano non se puido disputar en abril, coincidindo coa celebración da Feira do Queixo de San Simón, o importante é que hoxe estamos aquí, e que outro ano máis será unha realidade”. Nese sentido remarcou as felicitacións ao Club Ciclista Terra Chá, que celebra nesta edición o seu décimo aniversario, “por ser quen de sortear as dificultades e organizar unha nova edición da ruta”.
“Unha ruta que, como vemos cada ano, xera moito interese na sociedade, atraendo a un bo número de participantes da comarca, da provincia e incluso de fóra”, sinalou a Deputada, quen valorou que se trata dunha “aposta que dinamiza a economía local e que é capaz de potenciar o valor turístico dos concellos nos que se celebra: Vilalba, Xermade e Muras”. Apuntou que esta iniciativa ten “unha forma diferente de atraer visitantes, que terán a oportunidade de coñecer o noso rico patrimonio natural e cultural dun xeito más activo, pois a ruta discorre pola Reserva da Biosfera Terras do Miño, con paisaxes únicas e lugares privilexiados”.
Lembrou Marisol Morandeira o modelo de turismo polo que aposta a Deputación dende hai anos, de proximidade e experiencias, “que encaixa perfectamente con esta iniciativa, e por iso colaboramos cunha axuda económica para que a ruta sexa unha realidade”. A institución provincial achega 3.000€ para a celebración desta cita.
A proba deportiva
A ruta, que reúne a 250 ciclistas, dará comezo ás 9:00 horas con saída dende a Praza da Constitución de Vilalba. Poden participar todos os ciclistas maiores de 15 anos que teñan unha licencia federativa en vigor. Como outros anos, a ruta máis longa percorre ao longo de 63 quilómetros os tres concellos, con 1.400 metros de desnivel positivo. Por outra banda, está a ruta de media distancia, de 50 quilómetros e 1.100 metros de desnivel positivo e, por último, unha proba máis sinxela de 35 quilómetros e 600 metros de desnivel positivo.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
