O titular de Mar defende aumentar os contactos cos representantes do sector marítimo-pesqueiro para manter un diálogo fluído e continuar avanzando cara a unha actividade sustentable tanto en materia socioeconómica como no ámbito medioambiental
Santiago de Compostela, 29 de setembro de 2023. O conselleiro do Mar, Alfonso Villares, presidiu hoxe en Santiago o pleno do Consello Galego de Pesca no que se abordaron as previsións e liñas xerais de actuación do departamento. Na súa primeira participación neste foro recoñeceu que son moitos os retos aos que se enfronta o sector e, entre os máis inmediatos, mencionou o salto definitivo ao novo Fondo Europeo Marítimo de Pesca e Acuicultura (Fempa).
Nesta liña explicou que se pretende poñer en marcha en 2024 dunha rede de oficinas na costa galega que asesore e facilite a tramitación das axudas. O obxectivo é que sexan aproveitadas polo maior número de beneficiarios posible.
Outro dos desafíos máis inmediatos que salientou o conselleiro é o reparto das cotas de pesca en augas da UE para 2024, que culminará en decembro en Bruxelas e que abrirá a porta a fixar posibilidades de capturas plurianuais. A Consellería do Mar pon o foco sobre as propostas da Comisión Europea nas especies con maior incidencia para a frota galega, como o xurelo, a sardiña, a xarda, a pescada, o peixe sapo ou a cigala, entre outras.
Neste sentido, Alfonso Villares, reiterou que os obxectivos fundamentais pasan pola defensa da dimensión socioeconómica do complexo marítimo-pesqueiro galego en equilibrio coa protección do medio ambiente e a sustentabilidade futura da actividade.
Outra das cuestións destacadas polo conselleiro é a necesidade de manter un contacto continuo e un diálogo fluído co sector para reforzar a cogobernanza na xestión da actividade, máxime no contexto actual que dificulta a viabilidade do sector. Ademais comprometeuse a traballar man a man cos seus representantes para preservar a fortaleza dunha actividade que xera riqueza e emprego nas localidades costeiras e que é estratéxica para a economía de Galicia.
Tamén resaltou a importancia de contribuír a facilitar a actividade fronte a impactos como o da guerra en Ucraína e puxo en valor os preto de 15 millóns de euros mobilizados de forma extraordinaria en apoio ao conxunto da cadea mar-industria galega.
Defensa dos intereses da frota
En canto á actividade do sector, Alfonso Villares manifestou que a Xunta velará sempre polo seu futuro e continuará a defender os intereses da frota fronte a actuacións inxustificadas como o veto á pesca de fondo en 87 áreas do Atlántico Noreste, onde Galicia é a única comunidade que participa como parte coadxuvante no recurso dos palangreiros de Burela ante a Xustiza europea. Ante a ameaza de aumentar as zonas pechadas, o titular de Mar manifestou o compromiso de redobrar esforzos para acabar cuns límites marcados de forma arbitraria, sen medir as consecuencias socieconómicas e sen o imprescindible aval de informes científicos.
Tamén se actuará, engadiu, contra o Plan de Acción da UE para protexer e restaurar os ecosistemas mariños, que inclúe a pretensión de Bruxelas de limitar a pesca de arrastre co risco de que se estenda a determinadas artes menores e destrúa milleiros de empregos.
Co fin de mellorar os resultados do traballo do sector e de poñelo en valor, o conselleiro sinalou que Galicia continuará coa promoción do consumo de produtos do mar en feiras e salóns internacionais con campañas de gran impacto como a das foodtrucks de GALICIA SABE AMAR.
Ademais explicou que nos próximos meses verán a luz iniciativas que sitúan á comunidade como pioneira e que son o lanzamento da Axenda da Economía Azul Sustentable e a presentación do Plan da Cultura Marítima de Galicia. Trátase de dúas ferramentas, sinalou, que redundarán no aproveitamento de todo o patrimonio que rodea aos mares como motores económicos e sociais.
A maiores, Alfonso Villares destacou a intención de reforzar e ampliar o Observatorio Costeiro da Xunta de Galicia co fin de fortalecer a avaliación dos riscos aos que se enfronta a actividade pesqueira e marisqueira galega ante o cambio climático. En materia de I+D+i destacou os traballos que realiza a Rede entre os Investigadores e o Sector Pesqueiro, Redemar, ao servizo das necesidades reais da pesca e a acuicultura de Galicia.
Atrancos desde o Goberno central
No pleno do Consello Galego de Pesca tamén se analizaron as actuacións da Xunta a favor do sector ante as trabas do Goberno central á súa actividade. O conselleiro criticou que agora que Galicia conta coa Lei de ordenación e xestión integrada do litoral para executar en plenitude as súas competencias sobre o dominio público marítimo-terrestre, a Dirección General de Costas insista en continuar a invadilas.
O último episodio é o recurso ante o Tribunal Constitucional por parte do Executivo central contra varios artigos da lei de acompañamento dos orzamentos galegos que se refiren á xestión do litoral. Alfonso Villares defendeu que a normativa autonómica dá seguridade xurídica e defende os intereses do sector fronte as pretensións do Ministerio para a Transición Ecolóxica de eliminar calquera vestixio humano do litoral, especialmente os relacionados coa actividade económica.
Outras cuestións abordadas no pleno do Consello Galego de Pesca foron a negativa do Executivo estatal a rebaixar o IVE dos produtos da pesca e a conserva e que a día de hoxe siga sen activar un Proxecto Estratéxico para a Recuperación e Transformación Económica (Perte) dotado de axudas europeas para a industria do mar. Tamén se manifestou unha crítica conxunta polo feito de que o Goberno central non contase co sector pesqueiro á hora de definir os plans de ordenación do espazo marítimo (POEM) e o acomodo da eólica mariña nos mesmos, que debe ir ligada sempre ao respecto á actividade pesqueira e a preservación do ecosistema.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
