Ribadeo, 15 de setembro de 2023. Hoxe comeza o obradoiro de emprego Tecendo Coidados, no que 16 mozas e mozos de Ribadeo e de Barreiros recibirán formación durante 12 meses en atención sociosanitaria a persoas dependentes en institucións sociais e en dinamización, programación e desenvolvemento de accións culturais.
A presentación tivo lugar no Centro de Formación e Experimentación Agraria Pedro Murias ata onde se desprazaron a conselleira de Promoción do Emprego e Igualdade, Elena Rivo, o delegado territorial da Xunta, Javier Arias, e o alcalde de Ribadeo, Dani Vega.
O rexedor dixo que “Tecendo Coidados é o obradoiro de emprego que ten o Concello de Ribadeo xunto co de Barreiros, ao que lle quero agradecer a súa colaboración e a súa aposta polo emprego”.
Para Vega “Ribadeo é un exemplo claro do que é formar a moita xente, colaborar, asesorar e tamén xestionar a formación que necesitamos para esa busca de emprego”.
O alcalde manifestou que “os obradoiros son outra maneira de formar a moitas persoas. Durante estes doce meses mozas e mozos menores de 30 anos formaranse en atención sociosanitaria a persoas dependentes en institucións sociais e en dinamización, programación e desenvolvemento de accións culturais. Son 16 persoas, as que van participar neste obradoiro, 8 por especialidade, neste caso 12 de Ribadeo e 4 de Barreiros. E o orzamento total é de 425.000 euros”.
Dani Vega subliñou que “os obxectivos son claros: mellorar a ocupabilidade, a cualificación e apostar pola inserción profesional das persoas mozas participantes neste obradoiro de emprego; educar, entreter e, incluír aos maiores de ámbolos dous concellos a través da realización de proxectos de xestión e animación cultural; e tamén apoiar e atender aos usuarios e usuarios ds residencia municipais e do Centro de Día A Misericordia baixo as directrices dos equipos interdisciplinares dos citados centros, así como poñer en marcha o proxecto Coidando ao Coidador, que pretende ser unha ferramenta de información e acompañamento dos coidadores de persoas dependentes”.
O alcalde tamén fixo fincapé na saída laboral “nun sector onde hai moita empregabilidade nas residencias municipais ou no coidado desas persoas maiores que están nas súas casas e precisan do Servizo de Axuda no Fogar. Creo que hai moita saída laboral e nós debemos estar aí traballando conxuntamente, investindo na empregabilidade e na formación, claves para o futuro dos concellos tanto de Ribadeo como de Barreiros”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
