En Ribadeo, durante algún tempo, non se necesitará máis precisión para saber a que incendio nos estamos a referir: o que deixou 2326 hectáreas, máis de 23 quilómetros cadrados, calcinadas entre o xoves 12 e o sábado 14 de outubro de 2023.
A xente xa se esqueceu no día a día daquel outro que aló polos 90 do pasado século chegou a quencer as casas da Vilavella, ás portas da vila, do mesmo xeito que outros tampouco desprezables (se é que algún o é).
Non entro nin saio no xeito de medir esas hectáreas afectadas, que estimo poderían varían de xeito apreciable segundo o sistema aplicado. Mais pódese ver a ollo nu que non todas o foron por igual. Houbo lugares nos que o vento, en descenso pola ladeira, fixo que as lapas na súa tendencia a ascender, case se esqueceran das árbores, quedándose nas copas. E outros nos que, correndo ladeira arriba, calcinou ata o último recuncho. Houbo plantacións de eucaliptos noviños, máis baixos que os maiores dos arredores, que libraron do lume, aínda que foran nalgún momento rodeadas polas lapas dos outros máis altos.
Pódese aprender moito só con mirar pola estrada do monte a unha e outra beira. Como, despois de baixar polo Mondigo cara ó mar, o lume chegou ata o prado pero non pasou. Como saltou a autovía, espazo ben largo e libre de vexetación. Ou como a estrada non foi obstáculo en zonas onde as ramas dunha e outra beira chegaba mesmo a tocarse. Como, a pesar de toda a boa acción de bombeiros e veciños, coa relación 30 – 30 – 30 (30 km/h de velocidade do vento, que nalgúns momento se quedaron moi escasos, 30 ºC de temperatura, que non se chegaron a acadar, pero non faltou moito, e 30 % de humidade, á que por sorte tampouco se chegou) hai que esperar un milagre como a chuvia para deter o incendio no medio dun monte de eucaliptos. Ou como, á beira dos anteriores, árbores de determinadas outras especies poden quedar -e quedaron- intactos.
Lembremos: os incendios declaráronse en Trabada (5 focos non é un incendio, senón cinco incendios diferentes que logo se uniron) e pasaron a Ribadeo en menos de 12 horas, a un punto a unha distancia de algo menos de 3 km en liña recta. Acadaron lugares a uns 10 km de distancia, e mentres, chegaron a ter unha fronte duns 3 km. As 2326 Ha poden visualizarse concentradas como máis de 1/5 da superficie do concello de Ribadeo, ou como 1/8 da superficie conxunta dos dous concellos afectados, Ribadeo e Trabada. Para moita xente será mellor outra comparación: queimouse unhas 5000 veces a superficie de xogo do Pepe Barrera, o estadio de fútbol de Ribadeo.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
