A Mariña, 27 de setembro de 2023. O 7 de outubro arrinca a cuarta edición deste programa de outono de visitas e rutas guiadas en torno á cultura e natureza da Mariña Lucense, A Mariña en ruta, proxecto promovido pola Mancomunidade de Concellos coa colaboración da Xunta de Galicia e da Deputación de Lugo. Ata finais de novembro desenvolveranse 16 actividades, unha por cada concello que conforma o xeodestino e onde a artesanía da comarca terá un papel destacado. Será durante as fins de semana e tamén os festivos 12 de outubro e 1 de novembro. O acto de presentación tivo lugar este mediodía no Cenima, en Foz.
O presidente da Mancomunidade de Concellos da Mariña, Fran Cajoto, subliñou que “tras o éxito de A Mariña en Ruta nos anos 2020, 2021 e 2022 con máis de 700 participantes nas 3 edicións celebradas, o proxecto pretende continuar neste 2023 dando a coñecer a riqueza natural e cultural dos diferentes municipios do xeodestino a través da organización de diferentes visitas e rutas guiadas da man de axentes e guías de turismo locais onde a artesanía terá un protagonismo especial. Será a través dos obradoiros que reciben visitas das Rutas de Artesanía. A continuidade deste programa afianza a figura destes axentes e guías de turismo locais así como a calidade e diversidade de opcións de ecoturismo existentes na Mariña Lucense fóra da tempada de verán”.
A axente de Desenvolvemento Turístico da Mancomunidade, Tania Hermida, explicou que “esta cuarta edición, que conta para o seu desenvolvemento, coordinación e execución coa colaboración da empresa de turismo activo e axencia de viaxes Volta Montana, e que como novidade, co fin de aunar e coordinar esforzos, conta tamén coa programación de visitas aos obradoiros artesáns do territorio, supón a valorización do entorno natural, a historia, a etnografía, a artesanía, etc… da Mariña Lucense a través de 16 actividades polos 16 concellos que conforman o xeodestino”.
E indicou que “o proxecto ofrece propostas diferenciadoras, diversas e inclusivas, presentándose como un escaparate ideal para gozar con maior intensidade dos recursos da Mariña Lucense, visitando o noso patrimonio da man de expertos anfitrións, guías locais e experimentados no territorio”.
Éxito da pasada edición
Fran Cajoto aludiu ao éxito da terceira edición deste programa de visitas e rutas guiadas pola Mariña: “o ano pasado A Mariña en ruta contou de novo con moi boa acollida. Durante os meses de outubro e novembro gozaron desta proposta mais de 140 persoas, cubríndose aproximadamente o 80% das prazas dispoñibles. O 100% dos enquisados trasladáronnos que o programa debería ter continuidade no tempo, xa que dinamiza a oferta cultural da Mariña Lucense e que recomendarían a experiencia a outras persoas. A valoración xeral da iniciativa foi de 9,5 sobre un máximo de dez e os guías -peza fundamental da proposta- foron tamén moi ben valorados cun 8,9 sobre 10”.
E lembrou que “as procedencias dos participantes foi principalmente da provincia de Lugo (74,5%), con participación tamén de visitantes da Coruña (12%) e Asturias (8%). A idade media foi de 48 anos e houbo unha maior presenza feminina (65%)”.
O presidente da Mancomunidade manifestou que “co elevado nivel de resposta obtido ao programa e os datos de avaliación tan positivos, seguimos apostando por este proxecto neste 2023 con algunha novidade co fin de sumar esforzos e presentar propostas novidosas, dando unha nova oportunidade á xente que se quedou sen desfrutar do noso territorio deste xeito tan especial”.
A Mariña en Ruta desenvolverase as fins de semana de outubro e novembro así coma os festivos 12 de outubro e 1 de novembro. As actividades terán unha duración de 2 a 4 horas e poderán participar un máximo de 25 persoas mais o guía en cada un. O prezo será de 5 euros para individual; 8 euros para parella; 12 euros para familias ou grupos de ata 5 membros. A información sobre a rutas e as reservas de prazas realizarase de forma automática a través da web de Turismo de A Mariña Lucense https://amarinalucense.gal/es/a-marina-en-ruta .
Rutas do mes de outubro
1. Sábado 7 – O río Sor e a natureza agochada nos seus meandros, O Vicedo. Con Boris Vilar.
2. Xoves 12 – San Miguel de Reinante: comercio, indianos e fidalgos, Barreiros. Con Sofía López.
3. Sábado 14 – Riotorto, terra de ferreiros. Con Boris Vilar.
4. Domingo 15 – Segredos e Lendas en Foz. Con Carmen Delia Díaz, La Guiateca e o artesán Daniel Caxigueiro.
5. Sábado 21 – Trabada, viaxe ao pasado pola Fraga da Becerreira. Guía pendente de confirmar.
6. Sábado 28 – San Cibrao e o seu mar, Cervo. Con Noela Feal.
7. Domingo 29 – Ruta dos Fornos e Mina Consuelo, A Pontenova. Con Tirolina das Minas e o Ferreiro artesán Rodil.
As actividades do mes de novembro daranse a coñecer en próximos días.
“Outra novidade desta edición é que os ingresos derivados do custe simbólico das actividades irán dedicados a accións vinculadas a contribuír aos obxectivos de sostibilidade e previr, mitigar ou compensar a pegada ecolóxica que poda supoñer este programa”, subliñou Tania Hermida.
No acto celebrado no Cenima tomou tamén a palabra a xefa da Área de Turismo da Xunta en Lugo, Paloma Vázquez, e asistiron representantes dos Concellos de Viveiro, de Cervo, e do Valadouro, así como algunhas das guías que participan neste programa.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
