Viveiro, 30 de setembro de 2023. O Concello de Viveiro levará ao pleno do próximo mércores unha proposta impulsada polo goberno local na que insta á Xunta de Galicia “a realizar as xestións e os trámites necesarios para a construción dunha vía de alta capacidade que enlace Viveiro co resto do territorio”, asegura a alcaldesa, María Loureiro.
A tenente de alcaldesa, Miriam Bermúdez, sostén pola súa parte que “solicitamos á Axencia Galega de Infraestruturas que, á maior brevidade posible, convoque a este concello a unha reunión, coa presenza de todos os grupos municipais, para coñecer as previsións existentes ao respecto”.
No ano 2006, o Consello da Xunta de Galicia (cun goberno bipartito PSOE-BNG) aprobou o trazado da Vía de Alta Capacidade ao seu paso por Viveiro. Este trazado fora consensuado coa veciñanza, aprobado no Pleno do Concello de Viveiro, aprobado no pleno da Deputación de Lugo e contaba con todos os informes e co estudo de impacto ambiental.
Houbo un cambio de goberno na Xunta de Galicia e xusto despois da formación do novo goberno autonómico, de xeito inesperado e sen ningún tipo de comunicación previa, o 5 de agosto de 2010 chegou ao concello, para a súa exposición pública, un novo proxecto que recollía un novo trazado, contrario ao consensuado e no que se contemplaba a existencia dun enlace con Viveiro en Magazos.
Nas numerosas accións contra este novo trazado, o goberno local sempre deixou claras cales eran as razóns polas que se opoñía a ese novo proxecto imposto e sen consenso. Ademais, dende o concello solicitáronse diversas reunións cos responsables da área de infraestruturas para tratar esta cuestión.
Pasados os anos, en 2018, a Xunta de Galicia informou da existencia dunha nova proposta consistente na construción dunha ponte sobre a ría. Sobre este novo proxecto, o Concello de Viveiro non chegou a recibir en ningún momento a documentación necesaria para coñecer, de forma concreta, as características desta alternativa.
O goberno municipal considera que a existencia dunha vía de alta capacidade vertebradora que conecte Viveiro co resto de Galicia e do estado español “é fundamental para garantir o futuro deste municipio”.
O Concello de Viveiro, como cabeceira de comarca e terceiro municipio da provicincia por poboación, non pode permitirse a inexistencia dunha vía de alta de capacidade.
“Estamos a disposición da Xunta de Galicia para reunirnos e buscar unha solución definitiva para lograr que este municipio poida disponer dunha vía de alta capacidade, unha infraestrutura que consideramos esencial e urxente”, engaden Loureiro e Bermúdez.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
