Os populares indican que o Concello no pode eludir a súa responsabilidade e debe estudar compensacións económicas aos usuarios, dado que levan moitos días sen poder usar directamente a auga da traída
Viveiro, 15 de setembro de 2023. Os veciños do núcleo de Fornela, na parroquia de Galdo, non poden consumir directamente a auga da traída municipal; cuestión que para a voceira do PP, Mariña Gueimunde, se debe “á probada incapacidade” de xestión da alcaldesa para adoptar as medidas necesarias para garantir, como é a súa obriga, o subministro de auga potable.
Á vista de tan grave problema, a popular manifesta que esta é unha mostra máis da falta de rigor na xestión que leva a cabo a rexedora socialista. “O subministro de auga potable é unha obriga dos Concellos. E para elo teñen que ter as infraestruturas necesarias para asegurar a captación, potabilización e distribución nas debidas condicións. Está claro que a alcaldesa non fixo os deberes cando tocaba facelos e agora son os nosos veciños, neste caso os de Fornela, os que sofren a súa falta de traballo”, remarca.
COMPENSACIÓNS ECONÓMICAS PARA OS AFECTADOS
O voceira popular indica que todos os usuarios do abastecemento teñen que pagar “relixiosamente” as cantidades correspondentes á prestación deste servizo polo Concello. Por iso, e dado que, nas actuais circunstancias, o servizo non cumpre as condicións mínimas, reclaman ao goberno local que considere a posibilidade de aplicar medidas económicas compensatorias.
O PP, COS VECIÑOS
Gueimunde advirte que, en previsión de algo semellante puidese acontecer, o pasado día 6 o Grupo Municipal do PP preguntou ao Goberno local polo cronograma de actuacións a realizar en distintas parroquias ata final de ano, tendo en conta que no acordo programático de apoio do grupo Por Viveiro á investidura da socialista figura no punto número 7: Inversiones de 300.000 euros al año en actuaciones en las parroquias, e o BNG manifestou tamén publicamente a atención ás parroquias como unha das súas prioridade. Pero a resposta dada polo equipo de goberno foi, segundo apunta, “un escándalo”.
“Que a contestación á pregunta referida no pleno sexa que Medio Rural prepara un mapeo do Concello para optimizar e planificar o mantemento viario, parécenos un despropósito”; de aí que conclúan que “os gobernantes de Viveiro non se enteran nin se entenden entre eles. Só se poñen dacordo para sentarse no sillón, pois á hora de estar no terreo e dar solucións e respostas ás necesidades dos veciños, miran para outro lado”.
“Lamentamos profundamente o que están a vivir os veciños afectados de Fornela. É unha situación impropia do século XXI que amosa que o goberno local está a todo menos a traballar e a dar servizo aos viveirenses. Dende logo non o merecen e así o queremos trasladar publicamente”, insisten.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
