O Pleno aprobou cos votos a favor do PSdeG e do BNG unha moción socialista para pedirlle ao Goberno galego que poña en marcha un programa que incremente a achega de fondos directos que as facendas locais perciben da administración autonómica
Lugo, 31 de outubro de 2023. A Deputación de Lugo reclámalle á Xunta de Galicia a elaboración dun Plan Único de financiamento para os concellos, elaborado con criterios obxectivos, e que incremente a achega de fondos directos que as facendas locais perciben da administración autonómica. Así se acordou no Pleno deste martes a proposta do Grupo Provincial Socialista, contando cos votos a favor do BNG e, en contra, do Partido Popular.
A Voceira socialista do Goberno e Deputada de Promoción do Territorio e Turismo, Pilar García Porto, defendeu esta iniciativa poñendo o foco en que a Xunta presentou recentemente os Orzamentos 2024, cos que “agocha as eivas da súa xestión e esgota os superlativos sobre o carácter excepcional ou de récord das contas, mentres na vida real os veciños e veciñas o único récord que bate a Xunta é o de gastar cada ano máis cartos para ofrecer peores servizos públicos”.
“Os Orzamentos previstos para o 2024 son tamén, unha vez máis, un exemplo do desinterese da Xunta pola situación dos concellos galegos e o seu evidente desprezo cara as súas necesidades”, manifestou a Deputada. Dixo que sobre un total de 13.257M€, a Xunta destina ao Fondo de Cooperación Local 152M€, o que supón o 1,1% do total, e apuntou que o resto que percibirán as facendas locais “dependerá dos criterios arbitrarios e partidistas en torno a figuras tan surrealistas como as subvencións non competitivas que se abren ás 12 da noite e quedan esgotadas 5 minutos despois”.
Incremento do Fondo de Cooperación Local
A Deputada sinalou que, mentres non se poña en marcha o citado Plan que se solicitou no Pleno, a Xunta debe incrementar o Fondo de Cooperación Local, polo menos, na mesma porcentaxe na que medrou o IPC durante os anos nos que o tivo conxelado.
García Porto ironizou con que o Goberno galego, “nun alarde de cinismo, logo de telo conxelado durante máis dunha década, presume agora de incrementar nun 6% a partida do Fondo de Cooperación Local, cando nese período o IPC subiu un 16%, co que o suposto incremento do que presumen apenas cubre a metade da perda de poder adquisitivo que veñen padecendo os concellos galegos”.
Reunión para a elaboración dos Orzamentos da Xunta
A moción tamén recolle unha petición ao Presidente da Xunta de Galicia para unha reunión cos presidentes das deputacións e da FEGAMP para estudar, consensuar e falar de cara a contar cun proxecto de orzamentos autonómicos “xusto e igualitario con todos os concellos de Galicia”.
A que PP lle facemos caso?
A Voceira socialistas do Goberno puxo de manifesto que o PP “carece de credibilidade á hora de falar das facendas locais. A que PP temos que facerlle caso? Ao PP de Lugo que di que quere incrementar os fondos do Plan Único aínda que non explique como facelo? Ou ao PP da Xunta que rexeita poñer en marcha un mecanismo semellante que tansfira fondos aos concellos con criterios obxectivos como poboación, extensión do termo municipal, densidade de poboación ou similares?”. Puxo varios exemplos, como o que fixo o PP cando gobernaba a Deputación de Lugo con Elena Candia, “batendo o récord de adxudicación de convenios a concellos amigos”; ou o que “vimos de coñecer na Deputación de Pontevedra, pois o novo equipo de goberno do PP vai recortar nun 21% os fondos do Plan Único, para poder dispoñer de máis cartos para dar a dedo. A escola de Candia ou a vella escola de Louzán ou o estilo Baltar”, subliñou.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
