O Concello de Cervo fixo un importante esforzo inversor para mellorar a instalación xa que neste último ano destináronse máis de 30.000 euros para a renovación integral do ximnasio
Cervo, outubro 2023. A piscina municipal arrinca a tempada coa asistencia de 230 cursillistas, medio cento máis que o ano anterior.
Son datos que deron a coñecer a rexedora, Dolores García Caramés, e o edil de Deportes, David Rodríguez, durante a visita que fixeron á instalación na que compartiron un anaco coas crianzas que asisten ao curso para nenos/as de 3 anos, que comezou este pasado venres, e que foi novidade dentro da programación da instalación xa que “a filosofía do Concello de Cervo é promover a práctica deportiva no seu conxunto desde as idades máis temperás”, sinalaron.
Ademais, impártense clases de aquagym, e cursos para adultos e crianzas, nos diferentes niveis, desde iniciación a perfeccionamento.
Caramés afondou así mesmo no incremento do número de socios da piscina que se sitúa nos 870 “incrementamos en 60 o número de afiliados este ano o que é un bo síntoma da calidade da instalación que temos o privilexio de ter en Cervo e que é a única na provincia destas características”.
A rexedora tamén quixo poñer en valor o traballo dos profesionais municipais que se encargan de velar pola seguridade dos bañistas e de impartir os diferentes cursos “cuxo traballo é fundamental para garantir o bo funcionamento da nosa instalación que ano tras ano suma novas persoas usuarias que elixen a nosa piscina para practicar deporte”.
Pola súa banda o edil de Deportes, recordou o importante investimento que se fixo este ano na instalación “coa renovación integral do ximnasio, que supuxo un investimento de máis de 30.000 euros, todos eles procedentes das arcas municipais”. En concreto, renovouse a maquinaria de cardio e reforzouse e mellorouse o material e equipamento de musculación.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
