A Mariña, 10 de outubro de 2023. Éxito da nova edición de A Mariña en Ruta, que daba comezo o pasado sábado. Este proxecto está promovido pola Mancomunidade de Concellos coa colaboración da Xunta de Galicia e da Deputación de Lugo. Ata finais de novembro están programadas 16 actividades, unha por cada concello que conforma o xeodestino e onde a artesanía da comarca ten un papel destacado.
Xa están esgotadas as prazas para as actividades que se desenvolverán os días 12 e 14 de outubro. O vindeiro xoves día 12 Sofía López guiará un percorrido por San Miguel de Reinante: comercio, indianos e fidalgos (Barreiros). E o sábado 14 de outubro con Boris Vilar e o artesán ferreiro JOMACA (José Mario Cabo) os asistentes coñecerán de preto Riotorto, a terra dos ferreiros. Xa o sábado, día 15, Carmen Delia Díaz (La Guiateca) e o artesán Daniel Caxigueiro achegarán aos participantes aos Segredos e Lendas de Foz. Para esta ruta aínda quedan algunhas prazas libres.
Este programa de visitas e rutas guiadas pola Mariña Lucense arrincaba o pasado sábado, 7 de outubro, pola ruta do Morgallón-Río Sor no Vicedo. Algunha das temáticas iniciais estiveron relacionadas coa toponimia, a xeografía e o patrimonio da localidade e do río, e mais en concreto sobre a parroquia de San Miguel das Negradas.
Dende O Morgallón os participantes descenderon uns metros ata o lugar de Monte da Insua onde, seguindo a ruta, accederon a un sendeiro que transcorre por uns 4 quilómetros pegado ao río, remontando o curso do mesmo, nun meandro que practicamente debuxa unha circunferencia. No percorrido houbo sucesivas paradas e explicacións sobre a vexetación (árbores, fentos, fungos, briófitas e liques entre outra) e a fauna (cabalos do demo, lumachas, ras pardas, lavandeira amarela, pegas e troitas). E tamén se deu información sobre as distintas estruturas que se atopan ao longo deste tramo como a antiga central de Electra Riobarba, a presa da Tronca, a telesilla de Muíños Vellos, o coto de pesca das Ribeiras do Sor, o refuxio de pescadores do Ulló e o antigo centro ictioxénico para a recuperación do reo.
Os asistentes gozaron moito desta experiencia nunha xornada marcada polo bo tempo.
Actividades para o mes de novembro
A presidenta da Mancomunidade de Concellos da Mariña Lucense, Rocío López, anima “a participar neste interesante programa de actividades pola nosa comarca para o que xa é posible consultar e reservar as actividades programadas para o mes de novembro, a falta de pechar os detalles dunha delas”.
O 21 de outubro A Mariña en Ruta chegará a Trabada, o 28 a Cervo e o 29 á Pontenova.
Programación de novembro
Mércores 1 – De Morás a Portocelo, os cantís esculpidos polo mar (Xove). Con Boris Vidal.
Sábado 4 – Patrimonio natural e artístico en Lourenzá. Con Carmen Delia (La Guiateca)
Domingo 5 – Mondoñedo e o seu legado. Con Ana Pena (Guía tu día)
Sábado 11 – Alfoz, fortaleza entre a serra e o mar. Con Ana Pena (Guía tu día)
Sábado 18 – Obradoiro de cerámica con Regal en Viveiro.
Domingo 19 – Patrimonio indiano e natural de Ourol. Con Noela Feal.
Sábado 25 – Obradoiro de coiro con Raíces Nómadas en Ribadeo.
Domingo 26 – Xeoruta do Perdouro en Burela. Con Fran Canosa.
As actividades terán unha duración de 2 a 4 horas e poderán participar un máximo de 25 persoas mais o guía en cada un. O prezo xeral será de 5 euros para individual; 8 euros para parella; 12 euros para familias ou grupos de ata 5 membros. A información sobre a rutas e as reservas de prazas realizarase de forma automática a través da web de Turismo de A Mariña Lucense https://amarinalucense.gal/es/a-marina-en-ruta
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
