Foz, 3 de outubro de 2023. O Concello de Foz comeza este domingo, día 8 de outubro, as actividades para conmemorar o Mes da Biblioteca e engade á súa programación clases de baile de verbena.
A Delegación de Cultura, na súa Área de Biblioteca, conmemora este outubro o Mes das Bibliotecas cunha programación especial que se desenvolverá na Casa da Cultura Poeta Manuel María e dará comezo o vindeiro domingo día 8. “Queremos conmemorar o Día Internacional das Bibliotecas con programación durante todo o mes de outubro. Ademais facémolo en colaboración coa Concellería de Igualdade e as actividades están relacionadas con ese ámbito”, explica a concelleira de Cultura, Inés López Couto.
Este domingo, día 8, ás 11.30 horas no salón de actos da Casa da Cultura Pakolas encherá de música o lugar co espectáculo Ramona na órbita. A dona do tempo, un musical para maiores de 3 anos que pon en escena o seu libro do mesmo título.
O martes 17 de outubro ás 18.30 horas á Casa da Cultura chegará Caxoto, co seu contacontos Coas mans na masa (contos de igualdade). É para nenos a partir de 4 anos.
O martes 24 de outubro, Día Internacional das Bibliotecas, ás 18.30 horas, tamén na Casa da Cultura, a compañía Mircromina representará a obra Vacacións no mar. É para todos os públicos.
O xoves 26 de outubro ás 18.30 horas na Biblioteca realizarase un contacontos e presentación do libro Horripilantes, de Elena Cienfuegos. É para público de máis de 5 anos.
As actividades do domingo 8 e o martes 17 forman parte do programa Ler conta moito.
A concelleira de igualdade, Elena Martínez, convida “a nenas e nenos a vir e participar nunhas actividades que son o comezo da axenda que se está a preparar na Área de Igualdade e Muller e que proximamente se continuarán anunciando”. E engade que “novembro é un mes moi importante e queremos seguir promovendo actividades que nos leven a un mundo máis igualitario”.
Clases de baile
Tamén se abre o prazo para anotarse nas clases de baile de verbena que se organizan dende a Concellería de Cultura na Sala Bahía. Serán todos os martes ás 19 horas dende o día 10. Para anotarse hai que chamar ao teléfono 982.140.027, extensión 3, ata o vindeiro venres, día 6. O prezo por mes é de 30 euros e serán dende outubro ata maio. Se se finaliza o curso o último mes será financiado polo Concello de Foz. As prazas son limitadas.
“Tivemos moitas peticións de clases de baile. Son para aprender a bailar merengue, boleros, bachata ou outros moitos e ir as verbenas coma un auténtico bailarín”, indica a concelleira de Cultura, que finaliza comentado: “esperamos que se anote moita xente e no verán teñamos unhas verbenas cheas de magníficos bailaríns”.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
