Apunta que Rueda está “á desesperada” e advirte que a cidadanía “non vai variar o seu voto por un chándal que ofreza Rueda ou pola rebaixa no vehículo de segunda man”
Vigo, 3 de outubro de 2023. O secretario xeral do PSdeG, Valentín González Formoso, criticou hoxe a pasividade da Xunta, que permanece “de mans cruzadas” diante da perda de capital galego nos buques insignia da Comunidade Autónoma. Formoso fixo estas declaracións logo de visitar a feira Conxemar en Vigo e antes de participar nun encontro co Comité de Empresa de Pescanova.
O responsable socialista dixo que a falla de xestión de Feijóo e Rueda nos últimos 14 anos ten provocado a perda de capital galego nos sectores estratéxicos da economía, que se enfronta á “perda dun buque insignia do sector transformador da pesca como é Pescanova”. Advertiu que os 12.000 empregos que dependen do xigante galego están “pendentes de que a Xunta faga o seu traballo e tome as rendas do sector industrial”.
Formoso respaldou aos traballadores de Pescanova no proceso de negociación dun ERE que afrontan como vítimas dunha medida “inxusta” derivada da mala situación económica do grupo. Reclamou man tendida para que haxa “o menor dano económico e persoal para as familias” afectada polo proceso e trasladou a importancia de que a nova dirección siga contando con capital galego”.
Esta situación é consecuencia, dixo, da falla de política industrial dunha Xunta que fracasa á hora de ofrecer alternativa ao talento formado nas universidades galegas. Responsabilizou aos gobernos do PP da marcha do capital galego tamén no sector financeiro, como sucedeu co Banco Pastor ou con Caixanova, hoxe como Abanca nas mans dunha empresa de Venezuela.
Galicia tampouco conta xa cun referente no sector enerxético como foi Unión Fenosa, “hoxe presa de fondos de inversión estranxeiros”, así como nas telecomunicacións onde “R fala en galego nos anuncios pero é de capital de fondos estranxeiros”. Lembrou a marcha de Puentes e Calzadas, a empresa da construción no seu momento galega pero hoxe adquirida por capital chino, igual que a conserveira Albo.
Rueda á desesperada
O responsable socialista advertiu que o presidente da Xunta está “á desesperada” en pleno proceso de “interiorizar que vai perder o próximo goberno da Xunta”. Advertiulle que “a cidadanía non vai variar o seu voto por un chándal que ofreza Alfonso Rueda ou pola rebaixa na compra dun vehículo de segunda man”, en alusión aos últimos anuncios preelectorais do presidente da Xunta.
Formoso citou ao propio Feijóo, que no debate da súa investidura falida afirmaba desconfiar dos gobernos que anuncian regalías e baixadas de impostos “sen criterio de ningún tipo”. Lembrou que o propio Rueda leva 15 días facendo anuncios coñecedor da súa propia debilidade política “como aqueles gobernantes con gran inseguridade na súa situación política” e anuncian baixadas de impostos e subvencións”.
Advertiu a madurez do electorado galego, que “sabe valorar que neste país se perden oportunidades cada día”, cun goberno de brazos caídos e sen tomar ningunha acción para reter talento”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
