O conselleiro de Sanidade mantivo en Lugo unha reunión coa alcaldesa de Ibias
Lugo, 21 de outubro de 2023. O conselleiro de Sanidade, Julio García Comesaña, reuniuse esta semana no Hospital Universitario Lucus Augusti de Lugo coa alcaldesa do concello asturiano de Ibias, Gemma Álvarez Cereigido, para trasladarlle o ofrecemento da Xunta de prestar asistencia sanitaria á poboación dos Coutos, unha das parroquias deste municipio limítrofe con Galicia. Á reunión tamén asistiu o xerente da área sanitaria de Lugo, Ramón Ares Rico.
Coa finalidade de mellorar a atención sanitaria da cidadanía independentemente do lugar en que viva, a Xunta remitiulle en setembro ao Goberno do Principado de Asturias un borrador de convenio de colaboración para a asistencia en zonas limítrofes. O goberno galego está agardando pola conformidade do asturiano para poder iniciar a tramitación deste convenio, que require dun trámite por parte de ambas administracións e, finalmente, ser remitido ao Senado para autorización.
En canto sexa asinado, e por catro anos prorrogables, a veciñanza da parroquia dos Coutos do municipio de Ibias terás asignados en Galicia os seus servizos de atención primaria, atención hospitalaria e transporte sanitario. En concreto, os arredor de 50 habitantes desta parroquia asturiana pasarán a acudir ao centro de saúde de Navia de Suarna, a 26 minutos en coche, en lugar de ao seu centro de referencia en San Antolín de Ibias, a 45 minutos. No caso do centro hospitalario, o tempo de viaxe será dunha hora ao HULA en lugar de 1 hora e 45 minutos ata o Hospital de Cangas de Narcea.
Así, as persoas susceptibles de acollerse a este convenio tramitarán a obtención de tarxeta de asistencia a desprazados no centro sanitario da comunidade de destino, coas prórrogas que se precisen sine die, polo que manterán a tarxeta sanitaria da súa comunidade de orixe. Aínda que o convenio pode modificar no futuro o seu ámbito territorial, inicialmente beneficiará a citada parroquia dos Coutos, cos lugares de Folgueiras, Lagúa, La Muria, Parada, Santa Comba, Valdeferreiros, Vilarello, Villaselande e Viñal.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
