Ribadeo, 24 de outubro, 2023. O BNG de Ribadeo “chama a atención sobre o feito de que Daniel Vega, fiel ao seu estilo persoal, siga a presumir do que outros lograron e non sexa quen de anunciar ningún investimento por parte da Xunta en Ribadeo. Xa está ben, señor Vega, non presuma de que o Concello xestiona cousas que lograron os anteriores gobernos. Só faltaría que miraran para outro lado por non ser algo que conseguiran vostedes!”.
“Unha vez máis asistimos ao lamentábel espectáculo de ver como o señor Vega saca peito anunciando investimentos xestionados polo anterior goberno”.
“Presumir de que o concello segue a xestionar cousas para Ribadeo é un brinde ao sol. É obvio que teñen que seguir tramitando o que comezaron outros antes. O que non é normal é poñerse medallas como se fose un quen consegue todo, ao mesmo tempo que o pobo segue sen ver ningún anuncio de novos investimentos para Ribadeo. Nos novos orzamentos da Xunta practicamente non se ve para nada o nome do noso concello”.
“Despois de termos comprobado o afán de protagonismo do señor Vega cando o episodio dos lumes sufridos por toda a veciñanza (suspendendo, por exemplo, o mercado dos domingos para despois deixar que se fixese), botamos en falta un pouquiño máis de humildade e de máis man esquerda dando a coñecer Ribadeo. Señor Vega: non se trata de presumir de que somos os primeiros en ver unha película porque sexa a primeira vila onde se proxecta. Non se trata de dicir que, despois de vela nós, vana ver os da Coruña e os de Vigo. Non é así o conto. O importante é potenciar o cine galego e lograr que veña a Ribadeo apoiando a súa proxección. Por exemplo, terían tamén unha boa oportunidade de promocionar outras películas premiadas (como “O Corno”, de Jaione Camborca) e seguir así poñendo o nome de Ribadeo na prensa como amantes do bo cine galego. Pero non: para vostede é mellor presumir coma nenos e nenas fachendosos de que somos os primeiros; antes ca nós ninguén e despois os da Coruña e os de Vigo. Dinos de que presumes e dirémosche de que careces”.
“Careceu vostede de valentía e coraxe para defender a aplicación das faixas de xestión da biomasa, tal e como fixemos nós no anterior mandato, e sobroulle soberbia enfrontándose a persoal sanitario. Hai veces nas que, aínda que un poida ter máis ou menos a razón, pode perdela toda polas súas maneiras fachendosas e autoritarias. Tempere o seu ánimo, señor Vega. Non siga a alimentar a súa lenda negra. Nalgunha ocasión ha de saltar a lebre!”.
“Mentres que vostede siga coas súas teimas presuntuosas, nós seguiremos a mostrar a nosa alternativa (aínda que pretenda limitar a nosa voz nos plenos). Nesta semana ímonos achegar aos propietarios e propietarias do monte e expoñerémoslles como se pode xestionar a explotación da madeira de xeito ordenado e sen poñer en risco a tenza nin as vidas humanas. Temos o aval do feito no anterior mandato (namentres vostede laretaba defendendo ao señor Feijóo e o señor Rueda) e queremos seguir mostrando como desenvolver unha política forestal racional”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
