Reclama para Galiza a xestión e réxime financeiro do uso público marítimo terrestre, nun país con 2.555 Km de costa
Santiago de Compostela, 16 de outubro, 2023. O viceportavoz do BNG, Luís Bará anunciou que o BNG defenderá no Parlamento galego unha proposición de lei para o traspaso das competencias públicas terrestres como “vía de solución” ao recurso presentado polo Goberno central ante o Tribunal Constitucional en contra da Lei galega do litoral.
O nacionalista afirmou que o BNG é contrario a este recurso pero asegurou que a Xunta puxo “o carro diante dos bois” actuando con présas e tramitando a lei de maneira “exprés” coa intención de “crear conflito” co goberno do Estado. A Xunta, recalcou Bará, “non quería a transferencia” porque tivo a oportunidade de reclamala durante o goberno de Mariano Rajoy para facilitar a Galiza esta competencia e nese momento non a reclamou.
O BNG, dixo, discrepa e manifesta a “súa rotunda oposición” á presentación do recurso de inconstitucionalidade por que é “unha decisión unilateral e inxustificada”. Unilateral porque non foi convocada a Comisión Mixta integrada pola Xunta e o Estado para abordar as discrepancias e inxustificada porque os argumentos non son o verdadeiro motivo do recurso.
Bará subliñou que o BNG defende as plenas competencias de Galiza a respecto do litoral, co mar e a costa e tendo en conta que Galiza é a comunidade do Estado con máis costa, 2.555 e o “mar e a costa forman parte da nosa vida e identidade” ademais da repercusión no ámbito económico e emprego.
O deputado recalcou que o sector mar-industria mobiliza 8.800M€ sendo a cuarta actividade económica de Galiza e xera o 5% do PIB. Somos a décima potencia exportadora de produtos pesqueiros e marisqueiros por diante de Islandia e Xapón.
Por outra banda, engadiu o nacionalista, o Estatuto de Galiza recolle as competencias tamén en materia do dominio público terrestre, “a nai do año do conflito”. Neste sentido, Galiza pode exercer as competencias en materia do litoral pero parte das competencias xa están suspendidas “de facto” antes da presentación do recurso.
A Xunta actúo con “moitas présas” cunha tramitación exprés, eludindo o informe do Consello Consultivo, e reducindo os prazos á metade ademais de impedir a participación ampla dos sectores relacionados co mar. A Xunta “tiña un plan porque a súa intención era un conflito e o Goberno central mordeu o anzol”, afirmou.
O PP mostra intereses polo litoral cando o goberno central cambia da posición a respecto de ENCE
Dende o BNG, dixo queremos denunciar a falta de transparencia da Xunta en materia das competencias porque sobre a demanda da reclamación da transferencia do litoral existe un acordo do 2009 e se o goberno galego realmente quixera esta transferencia tiña que ter aproveitado o goberno de Mariano Rajoy gobernando no Estado pero ao PP “non lle interesaba” e a Xunta empezou a interesarse ante “o cambio de posición do goberno central a respecto de ENCE”, da prorroga da concesión e das duracións das concesións para o complexo mar-industria.
Bará explicou que, “as competencias do dominio marítimo terrestre seguen sendo do Estado” como figura na lei de Costas e de Cambio climático e a Xunta non pode legalizar 4.000 construcións nin centros de saúde ou polideportivos e moito menos “autorizar a continuidade de instalacións como ENCE”.
O BNG presenta unha lei para transferencia do dominio público marítimo terrestre
Ante a intención do Partido popular de tirar réditos políticos e impedir unha posible negociación, dende o BNG presentamos unha “vía” para unha solución pactada e agora comprobaremos si PP e PSOE queren realmente un acordo e apoian o texto presentado polo BNG para a elaboración dun Decreto Lei sobre a transferencia das competencias de dominio público marítimo terrestre a través da Comisión Mixta. “ Os plans de uso do litoral, o plan financeiro para o uso público marítimo terrestre e a execución de infraestruturas no litoral”.
Pedimos o apoio dos dous grupos ao noso texto legal para iniciar a súa aprobación no Congreso, concluíu.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
