A programación inclúe exposicións fotográficas, proxeccións, xornadas de portas abertas e visitas á Igrexa de San Francisco e un concerto da Banda Naval
Viveiro, 03 de outubro de 2023. O Concello de Viveiro está a participar na celebración da segunda edición dos ‘Días da Rede Europea de Celebracións de Semana Santa e Pascua’. Como parte desta programación, acollerá unha xornada organizada pola Xunta de Cofradías do municipio o vindeiro sábado 7 de outubro.
O programa desta xornada inclúe diversas exposicións fotográficas, proxeccións de vídeos, visitas e xornadas de portas abertas na Igrexa de San Francisco, e un concerto da Banda Naval no propio templo.
A alcaldesa de Viveiro, María Loureiro, destaca que con estas celebracións “Viveiro camiña da man con outras localidades destacadas a nivel europea pola súa Semana Santa, aumentando cada vez máis a proxección internacional da nosa festividade”.
En horario de 11:00 a 13:00 e de 18:00 a 20:30 poderán realizarse numerosas visitas. Por unha banda, a Igrexa de San Francisco acollerá unha exposición permanente da Semana Santa de Viveiro, así como dúas exposicións fotográficas nos seus dous claustros. O claustro principal do templo estará engalanado con indumentarias das diferentes confrarías e irmandades para a ocasión.
A propia igrexa albergará tamén, ás 20:30 no seu claustro principal, o concerto da Banda Naval. E, por outra banda, a Oficina de Turismo de Viveiro albergará durante todo o día unha serie de proxeccións de vídeos da Semana Santa. Tanto esta actividade como as anteriores son totalmente gratuítas.
Os ‘Días da Rede Europea de Celebracións de Semana Santa e Pascua’ terán lugar ata o día 15 de outubro. Esta iniciativa está organizada de xeito internacional pola Rede Europea de Celebracións de Semana Santa e Pascua, da que forma parte o Concello de Viveiro.
O evento nace con carácter anual, e permite dar a coñecer os valores culturais tanxibles e intanxibles da Semana Santa fóra da súa época de celebración, ademais de ofrecer unha oferta turística e cultural para a poboación local e visitante. Nesta ocasión, e dada a acollida do pasado ano, celébrase durante quince días en lugar de dous.
O obxectivo da Rede Europea é promocionar e difundir o patrimonio cultural, tanto material como inmaterial, relacionado coas celebracións da Semana Santa e Pascua.
Faino a través de accións que poñan en valor este patrimonio, impulsen a súa contorna cun desenvolvemento turístico sostible e contribúan a salvagardarlo a través do traballo científico e de investigación.
Do mesmo xeito, o seu fin é sumar esforzos para consolidar un modelo de estudo, salvagarda e difusión do patrimonio das tradicións da Semana Santa e Pascua en Europa. En total celebraranse máis dunha trintena de actividades.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
