Dende o PP defenden o diálogo como mecanismo para chegar a acordos na Deputación de Lugo e así evitar situacións que ninguén quere, como a suba brutal do 40% que PSOE e BNG aplicaron aos gandeiros que teñen os seus animais no centro de recría Gayoso Castro, “unha decisión unilateral de PSOE e BNG á que o PP votou en contra”
Luns, 9 de outubro de 2023. “O que demostrou o goberno provincial nestes 100 primeiros días de mandato foi o seu autoritarismo, sectarismo e falta de transparencia”, segundo sinala Antonio Ameijide. “Fronte a esa actitude do bigoberno integrado polo PSOE e o BNG, o Grupo Provincial Popular quere continuar mantendo a liña propositiva e construtiva que avanzabamos ao inicio do mandato”.
ACORDOS VS. ABSOLUTISMO, DESIGUALDADES E FALTA DE XESTIÓN
Os populares defenden o diálogo “para chegar a acordos e consensos” para “evitar situacións que ninguén quere, como a suba brutal que PSOE e BNG aplicaron aos gandeiros que teñen os seus animais no centro de recría Gayoso Castro, onde a taxa que pagan pasou de 2,55€/animal/día a 3,33€/animal/día. Unha decisión unilateral de PSOE e BNG á que o PP votou en contra e que é froito dunha mala política económica derivada da falta de talante para sentarse a falar e chegar a acordos”, apunta Ameijide.
O portavoz popular considera que “o presidente actúa de forma absolutista” en referencia á actitude de Tomé nos plenos da corporación e á prohibición de acceso dos deputados populares a dependencias públicas da Deputación de Lugo; o que motivou que “dende o Grupo Provincial Popular pediramos amparo á Valedora do Pobo”.
E incide nas “desigualdades entre os Concellos da provincia” en referencia ao reparto “nada obxectivo” de fondos provinciais a través de convenios, aprobados en xunta de goberno, con algúns Concellos: “no que vai de ano 2023, o bigoberno asinou 44 convenios con Concellos gobernados polo PSOE, 11 con Concellos gobernados polo BNG, 3 con Concellos gobernados por independentes e 0 con Concellos gobernados polo PP”.
Outra desigualdade constitúea o feito de que “Tomé destina un gran volume de recursos da Deputación a Monforte de Lemos, o concello que goberna; mentres que os concellos limítrofes teñen moitas necesidades, como o caso da Pobra de Brollón onde as estradas provinciais están en moi mal estado, como a LU-P-4710 (de Salcedo á Estación da Pobra de Brollón) “seguramente unha das tres estradas en peor estado de conservación da provincia, con fochancas duns 40 centímetros de profundidade e varios metros de lonxitude”.
Os populares non esquecen tampouco a falta de xestión dos representantes do BNG e poñen como exemplo “a pitada ao vicepresidente, Efrén Castro, durante a final da Copa Galicia de baloncesto en sinal de protesta pola súa incapacidade para resolver as deficiencias no Pazo Provincial dos Deportes e dos Anexos”.
DEBERES AO GOBERNO PROVINCIAL
Nestes 100 días de goberno de PSOE e BNG á fronte da Deputación de Lugo quedou claro que a liña a seguir polo goberno provincial é “apoiar a aqueles concellos afíns e impulsar algunha carreira política”. Por iso, os deputados populares poñen “deberes” ao goberno provincial:
Un reparto equitativo dos fondos e dos recursos para todos os concellos da provincia, ampliando os recursos que se destinan ao Plan Único.
Un plan de arranxo e mantemento das estradas provinciais, dando prioridade a aquelas actuacións máis urxentes para garantir a seguridade viaria en toda a provincia.
Iniciar a vía do diálogo e chegar a acordos e consensos en lugar de impoñer as decisións, como fixeron ata agora.
Un trato igualitario a todos os concellos deixando atrás a discriminación aos Concellos gobernados polo PP á hora de recibir achegas a través de convenios interadministrativos.
Avanzar de forma decidida na construción e posta en servizo dos centros de atención a maiores comprometidos en distintos concellos da provincia sen esquecer a posta en marcha do servizo de centro de día nos que xa están en funcionamento.
Impulsar de forma decidida a recuperación e posta en valor do patrimonio da Deputación Provincial coma a Casona do Incio, o complexo de Augas Mestas en Quiroga ou as naves cedidas por Manuel Mallo para que a Deputación de Lugo dedicara a actividades relacionadas coa cantería
Desenvolver unha política de apoio ao deporte lucense que debe ter como base principal o correcto mantemento das instalación deportivas que son da súa titularidade para favorecer a práctica deportiva en condicións de seguridade.
Poñer en marcha a comisión de suxestións, que o propio bigoberno creou pero que se nega a poñer en marcha, chegando a votar en contra da petición do Grupo Provincial Popular de poñela en marchar para así dar unha nova canle de comunicación aos cidadáns, darlles máis voz e escoitalos.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
