O Grupo Popular propón que a Deputación de Lugo colabore cos Concellos a través de convenios, a construción das instalacións adecuadas entre outras medidas para cumprir coas obrigas da lei de benestar animal
Luns, 30 de outubro de 2023. Os deputados populares esixirán ao goberno no pleno da corporación provincial deste martes cooperar cos Concellos cun trato igualitario para a provincia e manter as infraestruturas da súa titularidade. É dicir, “o que lle pedimos ao goberno que preside Tomé é que atenda aos asuntos da súa competencia”, segundo explica o portavoz do Grupo Provincial Popular, Antonio Ameijide. Así mesmo, e tendo en conta que “o Goberno de Sánchez continúa marxinando e illando á nosa provincia, reclamaremos máis investimentos para as infraestruturas lucenses de titularidade estatal”.
Os populares propoñen, por unha banda, que a Deputación de Lugo leve a cabo as actuacións precisas para colaborar cos concellos para cumprir coas obrigas establecidas na lei 7/2023, do 28 de marzo, de protección dos dereitos e o benestar dos animais porque “esixe responsabilidades e medidas que non son asumibles por pequenos Concellos”. É dicir, “pedimos asumir as competencias de cooperación cos Concellos como lle confiren as leis e que, neste caso, recolle a propia norma que lle dá capacidade para actuar aos entes provinciais”.
A iniciativa dos populares propón colaboración da Deputación de Lugo a través de convenios, a construción das instalacións adecuadas entre outras medidas, “na liña doutras Deputacións como a de Ourense ou Pontevedra”. E, igualmente, piden instar ao Goberno central para que consigne anualmente nos Orzamentos cantidades suficientes para garantir a prestación dos servizos recollidos na lei.
Tamén propoñen dirixirse ao Goberno central para “desbloquear e avanzar nas obras das infraestruturas estatais que son fundamentais para garantir as comunicacións, a competitividade e o desenvolvemento da nosa provincia”: garantir a conexión da provincia de Lugo coa alta velocidade, a súa integración no Corredor de Mercadorías do Atlántico, a reconstrución urxente dos viadutos da A-6, finalizar con urxencia os traballos do socavón na N-642, impulsar decididamente as autovías A-54, A-56, A-74 e A-76 e levar a cabo o adecuado mantemento das vías da súa titularidade.
“O abandono das infraestruturas na provincia por parte do Goberno de Pedro Sánchez esténdese tamén ao goberno de Tomé na Deputación de Lugo. Están copiando as súas políticas en materia de infraestruturas: falta de mantemento e arranxos chapuceiros que supoñen prexuízos na vida diaria dos lucenses”, subliña Ameijide.
O portavoz popular cita “os continuos problemas no desvío provisional da A-6 que se suman o mal estado do firme e ao corte dun novo tramo por mor dun desprendemento de terra que continúa sen ser retirado” ou os nove meses sen restablecer a normalidade no tráfico pola estrada da Mariña debido ao socavón que continúa aberto na N-642.
E, de igual forma, incide en que “pasaron case 10 meses dun rebentón da canalización de auga pola marxe da estrada provincial LU-P-3103 en fronte á Casa Escola de Santa María Maior en Mondoñedo que provocou a inundación de vivendas na zona e o burato continúa aberto e sen solución por parte do goberno da Deputación”.
En relación a unha obra mal planificada, Ameijide pon como exemplo a mellora da estrada provincial LU-P-5709 entre Paradela e Sarria que “no tramo recentemente arranxado queda cunha anchura de menos de 5 metros, o que dificulta que se poidan cruzar dous vehículos e, peor aínda, se se trata de vehículos pesados que dan servizo ás empresas e explotacións gandeiras da zona”. Nese sentido, dende o Grupo Provincial Popular piden continuar co criterio empregado na renovación da vía levada a cabo por un goberno do Partido Popular que supón a mellora do trazado e o ancheamento da plataforma da vía para esta e outras estradas de competencia provincial.
INSTALACIÓNS EN MAL ESTADO E EDIFICIOS NOVOS SEN USO
Os deputados tamén esixirán na sesión plenaria deste martes que o goberno provincial leve a cabo as necesarias actuacións de mellora e mantemento nas instalacións provinciais da Escola de Piragüismo co obxectivo de garantir a seguridade dos usuarios e a tramitar de novo o permiso ante a Confederación Hidrográfica do Miño Sil para repoñer o pantalán de acceso ao río para as embarcacións na zona.
“Por unha banda, este goberno mantén en mal estado edificios da súa titularidade e, por outra, non pon en funcionamento instalacións de recente creación como é o caso do centro comarcal de atención a maiores en Becerreá”, explica Ameijide. Nese sentido, avanza que “preguntaremos sobre as actuacións que están pendentes de realizar e cal é o prazo concreto que prevé o goberno provincial para a sua posta en servizo”.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
Ao acto, que tivo lugar diante da sede da institución provincial, asistiron deputados e deputadas, membros da corporación provincial e empregados públicos, que gardaron un minuto de silencio como mostra de respecto e solidariedade coas persoas afectadas pola catástrofe. A Deputación quixo así unirse ao chamamento realizado pola FEMP en toda a España, expresando o seu apoio ao pobo venezolano nestes momentos de especial dificultade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
