Lugo, 11 de outubro de 2023. Traballadores e traballadoras de Corporación Alimentaria Peñasanta SA (propietaria de marcas tan coñecidas como Larsa ou Central Lechera Asturiana), concentráronse este mércores diante dos xulgados de Lugo coincidindo co xuízo polo incumprimento das garantías económicas recollidas no convenio colectivo.
Á demanda de conflito colectivo, explica o secretario da FGAMT-CIG de Lugo-A Mariña, Christian López, chégase despois do proceso de negociación coa empresa, de numerosas mobilizacións, de acudir á comisión paritaria e dunha mediación que rematou sen acordo pola negativa de CAPSA a aplicar a cláusula de revisión salarial segundo estabelece o convenio colectivo propio.
“O conflito refírese a actualización dos salarios de 2023, polo incumprimento da empresa na revisión do ano 2022 conforme ao IPC real que marca o convenio”, subliña López. CAPSA aplicou o incremento salarial do 1,9% pactado para 2022, pero non actualizou nas táboas de 2023 a diferenza até o 5,7% que correspondería polo IPC real do ano anterior.
Este grave incumprimento do convenio implica ademais que a empresa calculou a suba dos salarios deste ano sobre unhas táboas sen actualizar.
O representante da CIG critica esta conduta nunha empresa de base cooperativa e que gasta contías indecentes en publicidade para transmitir unha imaxe de compromiso social. “E non obstante, non ten sensibilidade ningunha coas súas traballadoras e traballadores”.
Advirte que este conflito colectivo “é un punto e seguido” na loita iniciada polo persoal, porque “se o resultado non é satisfactorio na vía xudicial esta situación poderíase reproducir e intentar levarse á negociación do próximo convenio”. Neste senso, denuncia o cambio na política retributiva desta empresa “que na actualidade unicamente está a optar pola vía do incumprimento e do conflito”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
