Terá lugar ás 15:30 do xoves 26 de outubro en Coworking Viveiro, e nela, membros da consultora Indycom ensinarán sobre como actuar ante ciberataques e protexer a xestión da empresa
Viveiro, 20 de outubro de 2023. O Concello de Viveiro acolle o vindeiro xoves día 26 de outubro unha xornada demostrativa de ciberseguridade industrial, organizada pola Oficina Acelera Pyme ASIME Provincia de Lugo en colaboración coa consultora tecnolóxica Inycom.
A xornada terá lugar no Coworking Viveiro, de 15:30 a 17:30. Nela ensinarase como actuar ante ciberataques e o emprego de diferentes ferramentas de ciberseguridade para protexer toda a xestión da empresa, determinando os seus posibles puntos débiles. Os asistentes aprenderán a protexer os equipos, evitar secuestros de datos e mellorar os sistemas antivirus, entre outras cousas.
Será totalmente gratuíta e terá un enfoque práctico, facendo uso dun simulador para amosar posibles vulnerabilidades e as súas correccións. Ademais, o evento adaptarase aos participantes e ás súas necesidades, puidendo tratar dende cuestións propias do día a día nunha PEME como é o caso dos virus recibidos por email ou USB, ata entornos industriais máis complexos.
Para participar será necesario inscribirse no enderezo de correo electrónico lugo@acelerapyme.asime.es, e se pode solicitar máis información no propio correo ou no número de teléfono 982 228 970.
A Oficina Acelera Pyme ASIME (Asociación de Industrias do Metal e Tecnoloxías Asociadas de Galicia) na provincia de Lugo forma parte da rede de oficinas Acelera Pyme, respaldada a nivel estatal por Red.es e o Ministerio de Asuntos Económicos e Transformación Dixital e financiada polos fondos NextGenerationEU da Unión Europa.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
