A secretaria xeral da Igualdade visitou hoxe o curso de primeiros auxilios que celebra a Federación de mulleres do rural da provincia lucense (Afammer Lugo) co apoio da Consellería de Promoción do Emprego e Igualdade no marco do Plan Corresponsables
Vilalba, 8 de novembro 2023. A secretaria xeral da Igualdade, Sandra Vázquez, visitou hoxe ás mulleres que participan no curso de primeiros auxilios que a Federación de mulleres do rural da provincia de Lugo (Afammer Lugo) organiza en Vilalba co apoio da Xunta de Galicia a través do Plan Corresponsables. Coa súa presenza, Vázquez puxo de relevo o labor do asociacionismo para que a sociedade vaia avanzando nunha auténtica cultura da igualdade.
O curso presencial de hoxe enmárcase na colaboración que a Consellería de Promoción do Emprego e Igualdade mantén con Afammer Lugo para levar a cabo iniciativas no marco do Plan Corresponsables. O departamento da Xunta achega 40.000 euros a esta entidade para que desenvolva, entre outras, accións de formación para mulleres que lles permita acreditar a súa experiencia no coidado de menores de ata 16 anos.
O obxectivo último é poder dar acceso a estas mulleres a bolsas de coidado profesional, cando o desenvolvemento normativo estatal o permita, sobre todo a mulleres maiores de 45 anos. En paralelo séntanse as bases para crear servizos de coidado profesional de calidade para os menores, así como a realización de plans de sensibilización e formación en corresponsabilidade e coidados destinados aos homes e ás familias.
A Consellería de Promoción do Emprego e Igualdade colabora, por outra banda, coas catro principais federacións de asociacións de mulleres rurais de Galicia, entre as que se encontra Afammer Lugo, co gallo de garantir a igualdade e de erradicar a violencia de xénero. Estes convenios supuxeron en 2023 unha aportación por parte da Xunta de Galicia de 390.000 euros, destinados a avanzar na igualdade real e efectiva coa implicación de toda á sociedade e con especial atención aos núcleos máis pequenos.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
