O presidente da Real Academia Galega, Víctor Freixanes, o musicólogo Carlos Villanueva, unha exposición sobre o Camiño e o concerto da Coral Polifónica de Ribadeo protagonizarán a primeira sesión
Ribadeo. Xoves, 30 de novembro de 2023. As XVIII Xornadas Mar por Medio darán comezo mañá, venres 1 de decembro, en Ribadeo coa celebración das primeiras actividades do programa preparado para toda a fin de semana pola Academia Xacobea coa colaboración do Concello ribadense, a Xunta, a Deputación de Lugo e a Universidade de Santiago de Compostela. Daniel Vega Pérez, alcalde de Ribadeo; Xesús Palmou, presidente da Academia Xacobea, Javier Arias Fouz, delegado Territorial da Xunta de Galicia en Lugo, Francisco J. Fraga López, vicerreitor de Organización Académica e do Campus de Lugo; Francisco Singul Lorenzo, xefe da Área de Cultura do Plan Xacobeo, e o hispanista e profesor emérito do Queen’s College da Universidade de Oxford John Rutherford, figura clave na creación das Xornadas, participarán no acto inaugural que se celebrará ás 16.30 horas no Auditorio Hernán Naval, escenario da maioría das propostas que se desenvolverán ata o mediodía do domingo. “O Camiño: Cultura e tradición” é o título e o eixo do programa deste ano, que reunirá en Ribadeo a un destacado grupo de expertos e especialistas para abordar o fenómeno xacobeo desde diversas perspectivas.
Tras o acto inaugural, durante a xornada de mañá haberá dúas conferencias a cargo de Víctor F. Freixanes, presidente da Real Academia Galega, que falará a partir das 17 horas da importancia do Camiño de Santiago como Itinerario Cultural Europeo, e do musicólogo e catedrático emérito da Universidade de Santiago, Carlos Villanueva, que ás 18.30 horas ocuparase da relación entre a música e as rutas de peregrinación a Santiago. O Camiño será tamén o protagonista da exposición que será inaugurada ás 20 horas. Os actos do venres terán peche musical co concerto que ofrecerá ás 20.30 horas a Coral Polifónica de Ribadeo.
O programa completo das XVIII Xornadas Mar por Medio está dispoñible na páxina web da Academia Xacobea www.academiaxacobea.gal
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
