O candidato socialista á presidencia da Xunta aposta por aproveitar os fondos europeos para facer máis atractivo o traballo no mar e garantir o relevo xeracional diante da xubilación do 65 por cento das persoas embarcadas nun prazo de 10 anos
Vigo, 30 de novembro de 2023. O candidato socialista á presidencia da Xunta, José Ramón Gómez Besteiro, apoiou hoxe o relanzamento por parte do Goberno de España dun ente para a difusión, divulgación e impulso do consumo de peixe semellante ao From, que fora eliminado polo PP. Así o dixo logo dunha xuntanza coa cooperativa de Armadores de Pesca do Porto de Vigo -Arvi-.
O tamén deputado no Congreso subliñou que unha das propostas do novo goberno de Pedro Sánchez é precisamente recuperar un instituto semellante ao antigo Fondo de Recuperación, Regulación e Ordenación de Mercados -From-. Esta era unha das principais demandas do sector dende a súa disolución por parte do goberno de Mariano Rajoy en 2012.
Tamén defendeu a incorporación do peixe á política de prezos xustos xunto cos produtos tradicionais, coma o leite e a carne, “para que a xente consuma”, diante do cambio dos hábitos alimenticios. Apostou por “implicarnos decididamente na recuperación da cadea de valor do consumo do peixe tanto dende Galicia como dende o Estado.
Ademais da caída do consumo, tamén trataron o relevo xeracional na pesca, que en 10 anos verá como se xubilan o 65 por cento das persoas embarcadas. O candidato socialista á presidencia da Xunta aplaudiu as iniciativas do sector, sinaladamente de Arvi, para facer máis atractiva a actividade e garantir o relevo xeracional a través de iniciativas financiadas por fondos europeos e “prever con tempo como resolvemos esa situación”.
Fala de iniciativa da Xunta
Criticou a falla de iniciativa do goberno galego á hora de impulsar a presenza da pesca galega “non somentes na UE senón en todo o mundo”, e “para que Galicia sexa referencia e que vaia a máis e non a menos”. Contrastou o desleixo do goberno galego coa implicación do goberno do Estado e sinaladamente do ministro de Agricultura, Pesca e Alimentación, Luis Planas.
Subliñou a boa relación de Arvi co Ministerio, que ten recoñecido a Vigo como a capital da pesca europea, como puxo de manifesto o presidente da entidade, Javier Touza. Así o demostra a recente celebración do Consello de Ministros de Pesca da UE nesta cidade, ao que seguiu o Congreso Mundial anual da Nafo e a Mesa da Ciencia, así como o desenvolvemento de 10 proxectos con fondos Next Generation.
O candidato socialista salientou as “moi boas conexións, moi boa relación e sobre todo moi boa química á hora de solucionar problemas”, sinaladamente coa reorientación liderada polos socialistas a nivel nacional e galego para impulsar a transición enerxética en base a un crecemento intelixente e á aposta pola dixitalización.
No encontro de hoxe en Vigo tamén participaron o delegado do Goberno en Galicia, Pedro Blanco, e o deputado no Congreso e ex delegado da Zona Franca de Vigo, David Regades.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
