Daniel Vega anunciou que os orzamentos de 2024 serán os máis sociais da historia de Ribadeo
Ribadeo, 25 de novembro de 2023. Máis de 240 persoas asistiron este sábado á comida de Nadal do Partido Popular de Ribadeo. Na súa intervención o alcalde, Dani Vega, referiuse ás melloras realizadas para ter un Ribadeo máis limpo ou á recollida de rodas agrícolas. No tocante aos investimentos dixo que “imos investir máis de 350.000 euros en infraestruturas a través do Plan Único, como debe facer un goberno, non mirar a cor política, senón que os orzamentos veñan para Ribadeo”.
O rexedor dixo que “en menos de cinco meses están andando obras como as do Hospital Asilo, o centro de día, a residencia de maiores as escolas rurais ou os aparcamentos. En cinco meses temos unha estratexia turística en marcha”.
Dani Vega avogou “por traballar para conseguir o segundo acceso a Ribadeo desde A-8, polo acceso da estrada de Vilela á variante e por unha aposta clara polo polígono industrial de Ribadeo. Hai que abaratar os prezos das parcelas para que se poidan instalar máis empresas aquí”.
O alcalde subliñou que os orzamentos de 2024, que roldarán os 11 millóns de euros, “serán os máis sociais da historia de Ribadeo e nos que unha parte importante irá destinada aos servizos sociais”.
A comida do PP de Ribadeo coincidiu coa conmemoración do 25N. Vega dixo que “este é o primeiro goberno municipal que conta con tantas mulleres á fronte das súas Concellerías”. E tivo palabras de agradecemento polo traballo desenvolvido polo seu equipo.
O rexedor agradeceu a presenza neste xantar de confraternidade dos deputados estatais Francisco Conde e Jaime de Olano, da deputada autonómica Raquel Arias e do portavoz do PP na Deputación de Lugo, Antonio Ameijide.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
