Viveiro, 3 de Novembro 2023. “O cemiterio municipal da Altamira require unha atención que desde o noso grupo entendemos que non ten. Foron varias as iniciativas que nestes últimos anos solicitaron investimentos de mantemento e mellora das súas rúas, na súa accesibilidade así como a reconstrución do muro lateral, a adecuación da rúa Antonio Bas e a habilitación de novas zonas de aparcamento. Son moitas as persoas de idade avanzada que a miúdo transitan polo lugar, e nin as beirarrúas da rúa, nin as beiravías da estrada, están en condicións de garantir a súa seguridade”.
No 2021 fortaleceuse a esquina do muro fronte ao apeadeiro de FEVE no lugar de Campo de Pega, pero a pesar do paso do tempo, e do compromiso firme que determina unha votación por unanimidade un ano antes en pleno, nada se avanzou para “habilitar, ou, de ser necesario adquirir , espazos públicos para ou aparcadoiro de vehículos nas inmediacións do camposanto municipal e se melloren vos accesos para persoas con mobilidade reducida”.
Pero tampouco se reconstruíu o muro lateral de fronte ao monte San Roque que leva 20 anos esperando unha solución.
A alcaldesa afirmaba que esa abertura, aínda que non resulta estética fixo e continua facendo un gran servizo para o acceso con maquinaria debido a que a entrada principal ten escaleiras e a lateral é moi estreita, idea que compartimos no fondo pero non na forma. O cemiterio municipal merece un peche digno e seguro, unha porta podería resolver a situación á vez que sería funcional e estético, E 20 anos é tempo máis que suficiente para arrombar as instalacións.
Polo exposto, o PP roga á alcaldesa:
1.- Cúmpranse os acordos tomados en pleno. Habilítense espazos para aparcamento e accesos para persoas con mobilidad reducida no cemiterio municipal.
2.- Sélese o peche perimetral. E deséñese un plan de mellora nas instalacións interiores e nas inmediacións.
3.- Déase conta en pleno dos plans da alcaldía para este recinto a curto prazo.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
