A OPP-7 Burela está promocionando estes días os seus produtos pesqueiros do porto de Burela en Gastrónoma, a feira gastronómica líder do Mediterráneo, que se celebra en Feria Valencia do 12 ao 14 de novembro
Burela, 13 de novembro, 2023. O Porto de Burela participa neste evento dentro do programa de catas e degustacións dos produtos do mar “Galicia Sabe AMAR”, a través do stand da Consellería do Mar da Xunta de Galicia, que presenta en ‘Gastrónoma 2023’ o mellor da súa gastronomía, destacando especialmente a súa oferta pesqueira, con produtos que se converteron en auténticos referentes no mundo da gastronomía, como a Merluza D& Burela.
Na xornada inaugural do domingo, o chef Alejandro Iglesias (restaurante Dúas Liñas, Arzúa) preparou as receitas: “Tiradito de Merluza D& Burela” e ” Merluza D& Burela á miña Galega”.
Ao longo deste ano 2023, o “Peixe de Burela”, especialmente a súa pescada do pincho e o bonito do norte, desfilou nas mellores pasarelas gastronómicas dentro do programa de catas e degustacións dos produtos do mar “Galicia Sabe A-Mar” da Xunta de Galicia: no Salón Gourmets (Madrid, abril), no Salón de Alimentación do Atlántico “Salimat Abanca” (Silleda, xuño), no Salón Internacional de Turismo Gastronómico Xantar (Ourense, novembro) e agora na Feira gastronómica do Mediterráneo (Valencia).
Ademais, a OPP Burela tamén promocionou a calidade e a trazabilidade do seu peixe por toda España, participando en diferentes eventos a través de showcookings e maridaxes con outros produtos gastronómicos en citas tan representativas como FITUR (Madrid, xaneiro) e outros eventos do sector a través de Cepesca durante todo o 2023.
No mes de setembro, tamén en Madrid, a OPP-7 organizou o seu propio evento “Merluza D& Burela polo Mundo” dirixido especialmente a bloggers e xornalistas gastronómicos: un showcooking guiado por catro recoñecidos cociñeiros galegos con diferentes elaboracións para saborear a ‘Merluza D& Burela’ nas súas versións máis tradicionais e vangardistas, presentando tamén receitas inspiradas noutras cociñas do mundo, como a asiática ou a mexicana.
Dentro da promoción da gastronomía local, o ‘Peixe de Burela’ tamén estivo presente na presentación da Feira Expomar (Madrid, xaneiro), na propia Feira Expomar (Burela, maio), na Feira Produart (Burela, agosto) cun shoxcooking de bonito do norte, ou na Feira Gastronómica L de Lugo (Lugo, setembro) con varios showcooking e maridaxes nos que se promocionou a Merluza e Bonito de Burela, ademais de diferentes especies variadas da lonxa ABSA de Burela, como cabala, xurelo, rape, pota, peixe espada, marraxo… representando ás principais frotas locais.
Todas estas accións están cofinanciadas por Xunta de Galicia e FEMPA, incluídas no plan de produción e comercialización anual da OPP-7 Porto de Burela co obxectivo de contribuír á rastrexabilidade dos produtos da pesca e ao acceso dos consumidores a información clara e completa.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
