Aposta por potenciar o Observatorio Lácteo, mobilizar 100.000 hectáreas de terra produtiva e impulsar a I+D+i no sector cun plan estratéxico
Santiago de Compostela, 14 novembro 2023. A portavoz nacional, Ana Pontón, comprometeuse como presidenta dun goberno do BNG a activar a Mesa polo Leite como mecanismo de negociación entre produtores e industria, un espazo de interlocución no que abordar todas as cuestións de interese para ambas partes, particularmente todo o relacionado coa comercialización e os prezos.
“Queremos un sector no que os produtores e produtoras reciban prezos xustos, no que o leite non sexa utilizado como reclamo nas grandes superficies comerciais”, apuntou, para lembrar a continuación que hai que garantir o que recolle a propia Lei de Cadea Alimentaria. “Non se pode pagar por debaixo dos custos de produción”, recordou logo de reafirmar o compromiso do BNG de publicar os custos despois dun estudo rigoroso e científico no que participen as Universidades e profesionais da Administración.
A líder nacionalista avanzou estes compromisos nunha visita á cooperativa CLUN, á que sinalou como referencia do sector lácteo galego e da capacidade e potencialidade do noso medio rural, e que enmarcou dentro da rolda de contactos que o BNG está mantendo con sectores económicos e sociais para incorporar as súas propostas no proceso de elaboración do seu programa de goberno.
Pontón tamén apuntou outras propostas do Bloque para o sector, que considerou “estratéxico” para o futuro do País, como a reactivación do Observatorio Lácteo, potenciando aquelas liñas de traballo que contribúan a reducir os custos de produción nas explotacións, ou a recuperación de terras agrarias e produtivas para ampliar a base das explotacións lácteas, co compromiso de mobilizar 100.000 hectáreas na próxima década.
A portavoz do BNG defendeu igualmente a elaboración dun plan estratéxico que aposte pola I+D+i e por impulsar unha maior transformación do leite en Galiza que xere maior valor engadido. “Queremos un sector onde haxa moita capacidade de innovación e que apostemos pola transformación e por xerar valor engadido nos produtos porque ese é o futuro”, incidiu.
Neste sentido, exemplificou na cooperativa CLUN, que factura uns 240 millóns de euros e que exporta a 60 países, a capacidade do medio rural galego para competir nun mundo complexo e suxeito a dinámicas globais e para avanzar a pesar das adversidades e reafirmou o compromiso do Bloque cunha Galiza rural que ocupa o 90% do territorio e se estende por 263 concellos.
“Para o BNG é inconcibible darlle as costas ao 90% do territorio por iso apostamos por un medio rural vivo, produtivo, habitado, que xere calidade de vida e que ten unha enorme potencialidade á hora de xerar riqueza e emprego como demostra CLUN”, afondou.
Logo da visita ás instalacións da cooperativa, Pontón mantivo un encontro coa asociación Mulleres de Seu, da que salientou a posta en marcha de proxectos económicos moi interesantes e de vangarda con iniciativas que demostra a puxanza e o potencial do rural e que merecen o máximo apoio por parte do goberno. “Ese é tamén o meu compromiso se teño a confianza dos galegos e das galegas”, concluíu.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
