Conferencias, gastronomía, arte e música son algunhas das propostas que se desenvolverá os días 1, 2 e 3 de decembro dando así continuidade a esta proposta recuperada o ano pasado tras un largo parón
Ribadeo, 15 de novembro de 2023. Ribadeo acollerá os días 1, 2 e 3 de decembro a décimo oitava edición das Xornadas Mar por Medio reunindo a un nutrido grupo de especialistas e estudosos do fenómeno xacobeo para analizalo desde diversas ópticas. “O Camiño: Cultura e tradición” é o título do programa de actividades preparado pola Academia Xacobea, que por segundo ano consecutivo asume a organización das Xornadas, coa colaboración da Xunta de Galicia, a Universidade de Santiago de Compostela, o Concello de Ribadeo e a Deputación de Lugo. O presidente da Academia, Xesús Palmou, o alcalde ribadense, Daniel Vega, e o secretario xeral de Política Lingüística, Valentín García, deron a coñecer esta tarde os detalles do programa.
“Queremos converter Ribadeo nun espazo de congresos e por iso imos seguir apostando por estas Xornadas. Xa loitamos por elas desde a oposición e seguimos apostando por elas desde o goberno como algo clave na vida cultural e económica da nosa vila. Son unhas xornadas que marcaron a historia e van marcar o futuro de Ribadeo”, explicou o rexedor tras agradecer a colaboración da Xunta, a Academia Xacobea e a Universidade de Santiago de Compostela, e destacar o papel clave que xogaron e xogan nas Xornadas Manuel Valín (presente no acto desta tarde, ao igual que a concelleira Begoña Sanjurjo) e o profesor John Rutherford.
Xesús Palmou tamén tivo palabras de agradecemento para Rutherford e Valín, así como para Daniel Vega. O presidente da Academia sinalou que o agora alcalde e o que fora concelleiro nos inicios das Xornadas foron responsables en boa parte do éxito da edición do 2022, que permitiu recuperalas despois dun largo parón. Palmou debullou o programa desta edición destacando a diversidade dos temas a tratar e a talla dos relatores e augurando por elo un novo éxito.
Así o sinalou tamén o secretario xeral de Política Lingüística, quen apuntou que se trata “dunhas xornadas únicas” e lembrou que hai un año xa manifestara a súa vontade de seguir axudando a consolidar as Xornadas. “Y así foi. Estas xornadas chegaron para quedarse e aquí están. E desde aquí manifesto o compromiso da Xunta de que o ano próximo volveremos estar aquí”, explicou Valentín García .
O presidente da Real Academia Galega, Víctor F. Freixanes, será o encargado de ofrecer a primeira conferencia tras o acto inaugural das Xornadas, que se celebrará ás 16.30 horas do venres 1 de decembro no auditorio Hernán Naval. Por ese recinto e ata o domingo 3 pasarán tamén outros destacados relatores como os catedráticos Carlos Villanueva Abelairas (emérito da USC), Gregoria Cavero Domínguez (Universidade de León) e Javier Gómez-Montero (Universidade de Kiel) para abordar nas súas intervencións cuestións como a música no Camiño de Santiago, a alimentación dos peregrinos e a literatura xacobea. Tamén haberá tempo para examinar as paisaxes do Camiño co director do Instituto de Biodiversidade Agraria e Desenvolvemento Rural da USC, Pablo Ramil Rego, así como para conversar sobre distintos itinerarios xacobeos con Rubén Lois González, catedrático de Análise Xeográfica Rexional da USC, e Isabelle Kerduro, profesora da Escola Oficial de Idiomas de Santiago nacida en Bretaña. Ademais, os participantes poderán coñecer a artesanía que pervive nas marxes do Camiño grazas á charla que ofrecerá Elena Fabeiro (xerente da Fundación Artesanía de Galicia), gozar da música en vivo da Coral Polifónica de Ribadeo ou contemplar a exposición sobre o Camiño que será inaugurada o venres 1 por Ildefonso de la Campa, director de Administración e Relacións coas Asociacións de Amigos do Camiño, e que se poderá visitar ata o domingo 3.
As Xornadas prestarán atención, así mesmo, ao patrimonio e a gastronomía de Ribadeo. O programa inclúe unha visita guiada o Santuario da nosa Señora das Virtudes, que acollerá a conferencia da ribadense Celia Castro Fernández (catedrática da Escola de Arte Superior de Deseño Ramón Falcón). E o restaurante Ramonita será escenario dunha dobre proposta divulgativa e gastronómica. A catedrática de Pediatría da USC e presidenta da Federación Española de Nutrición, Rosaura Leis, falará da dieta atlántica antes de dar paso ao chef Antonio Botana (membro do grupo Nove), que realizará un demostración e degustación da cociña dos Camiños.
John Rutherford, profesor Emérito do Queen’s College da Universidade de Oxford, escritor, tradutor e un dos principais responsables das Xornadas nas súas orixes, hai xa máis de 30 anos, será o encargado de pechar a edición deste ano coa conferencia final do domingo 3 previa ao acto oficial de clausura.
O programa completo destas XVIII Xornadas Mar por Medio está dispoñible na páxina web da Academia Xacobea (http://academiaxacobea.gal/), onde foi habilitado tamén un formulario para que os interesados en participar nas actividades poidan formalizar a súa inscrición: http://academiaxacobea.gal/inscripcion-mar-por-medio/
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
