A programación comeza mañá sábado co obradoiro ‘Cultura Urbana on Tour’, organizado pola asociación de familias monoparentais ‘Fagamos’
Viveiro, 17 de novembro de 2023. O Concello de Viveiro presenta a súa programación para conmemorar o 25N, Día Contra a Violencia Machista. Os actos comezarán mañá, sábado 18 de novembro, co obradoiro ‘Cultura Urbana on Tour’, organizado pola asociación de familias monoparentais ‘Fagamos’.
A alcaldesa de Viveiro, María Loureiro, destaca “a necesidade de seguir combatindo a lacra que supón a violencia machista, co obxectivo de conseguir erradicala por fin da nosa sociedade”.
Pola súa banda, a concelleira de Muller e Igualdade, Lara Fernández Fernández-Noriega, sinala “a importancia de sensibilizar e visibilizar o que supón a violencia machista para as vítimas e as familias”. “Estamos pendentes de confirmar máis actividades nos vindeiros días”, explica a concelleira.
A xornada de mañá terá lugar no no pavillón do CEP Lois Tobío en horario de 17:00 a 19:00 horas. O espazo está aberto a todas as familias, con prioridade de acceso para nenos e nenas de familias monoparentais e familias con mulleres vítimas de violencia de xénero e outras formas de violencia contra a muller, entre outras situacións relacionadas cos coidados.
A continuación, o mércores 22 de novembro terá lugar, no salón de usos múltiples do Concello ás 19:30, a III edición do Clube de Lectura en Feminino, dinamizado por Estíbaliz Veiga. Contará coa presencia da autora Ledicia Costas co seu libro ‘Golpes de Luz’. O club leva desenvolvéndose en liña dende outubro, co apoio dos fondos do Pacto de Estado Contra a Violencia de Xénero 2023.
O propio sábado 25 de novembro ás 12:00 horas será a Marcha Popular contra as Violencias Machistas, que sairá dende os Castelos en Covas ata a praza Maior de Viveiro. Alí haberá unha concentración en silencio para a lectura do manifesto institucional.
Ademais, ao longo de todo o mes de novembro, o Concello colabora coa campaña 25N contra as violencias da asociación Bumei. Esta colaboración plasmouse na creación dun código QR no banco violeta ubicado na praza da Habana cos recursos dispoñibles no Concello para as vítimas de violencias, dunha guía impresa dos recursos e da campaña de prevención, e dun spot da TVG coa aparición da “ruta da reflexión” que conforman os bancos violetas de distintos concellos.
Neste mes de novembro e ata maio de 2024 comeza tamén no IES María Sarmiento e no IES Vilar Ponte o obradoiro de Acoso Escolar e Sexual, Redes Sociais e Violencia de Xénero, financiado cos fondos do Pacto de Estado Contra a Violencia de Xénero 2023 e dirixido a alumnado de 1º da ESO.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.