O programa inclúe este ano a tradicional entrega de premios, un food truck con degustación gratuíta e pasarrúas. Os visitantes poderán adquirir tamén outros produtos do territorio como queixo San Simón da Costa, roscón ou produtos artesanais
Lugo, 14 de decembro de 2023. A Deputada de Muller e Igualdade, Marisol Morandeira, xunto á Alcaldesa de Vilalba, Marta Rouco, presentaron este xoves no Parador da localidade unha nova edición da Feira do Capón, que se celebrará o vindeiro 21 de decembro na Praza da Constitución. “Un dos eventos máis esperados da nosa comarca e de toda a provincia, co que abrimos a porta ás festas do Nadal”, valorou Morandeira.
“Esta feira é unha celebración do que somos, da nosa identidade, da nosa historia, do noso rural e da nosa dedicación á terra. Unha cita que se leva facendo case dous séculos e que sería imposible sen a implicación, ano tras ano, dos propios criadores”, sinalou a Deputada, que comezou a súa intervención dándolle os parabéns á Alcaldesa e a todo o seu equipo de Goberno por impulsar esta iniciativa. Unha cita “que pon en valor a nosa riqueza gastronómica e cultural e que, ao mesmo tempo, ten un retorno económico enorme para Vilalba e para a Chaira”.
Destacou que “a feira do Capón de Vilalba fala moi ben do noso bo facer e da calidade dos nosos produtos” e cualificou este produto como “delicia gastronómica, cun sabor único e tenro que non ten outro segredo que o mimo na cría”.
A Alcaldesa, que estivo acompañada no acto pola concelleira de Feiras e Mercados, Paula Vigo, avanzou que o programa deste ano inclúe a tradicional entrega de premios aos mellores criadores, un food truck con degustación gratuíta e pasarrúas.
Ademais do Capón de Vilalba, que conta coa Indicación Xeográfica Protexida, na feira poñeranse á venda outros produtos típicos da zona como o Queixo San Simón da Costa con Denominación de Orixe, así como doces como o roscón e a rosca.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
