Burela, 28 de decembro de 2023. Hai tan só uns días, o artista burelao Héctor Manasé estivo co alumnado do IES Monte Castelo nun taller encadrado no Festival Audiovisual da Mariña Imaxiña 2023.
A fotografía urbana protagonizou a xornada coa confesión de Héctor Manasé como unha das súas debilidades: “A foto de rúa encántame, esa sensación de ir na busca do momento exacto, é cuestión de segundos. Se non o captas cando aparece ao mellor non volves ter a oportunidade” explicou así ao estudantado o artista, inmerso agora no mundo da tatuaxe, co estudo Lagaña Tattoo, e a ilustración, como gran colaborador do festival de música Osa do Mar, que en 2024 cumprirá o décimo aniversario. Precisamente na persecución dese instante xusto traballa o fotoperiodismo, outra das facetas de Héctor Manasé, coa que se sente moi identificado: “Hoxe en día se me deran a escoller entre foto de prensa e tatuaxe, creo que me decantaría pola foto”, recoñeceu ante o alumnado burelao.
Baseándose no seu traballo en branco e negro (Instagram: @fodelocarrete), Héctor Manasé brindou algún que outro truco para conseguir unha foto con impacto. Os contrastes de luz, as diagonais, o xogo da chuvia, as luces das farolas… foron algúns do elementos que abordou, ademais da forza que pode achegar a figura humana e da fotografía arquitectónica. Ás veces na imperfección está a beleza, aínda que nas paisaxes “os horizontes teñen que ser perfectos; esa é unha lei irrompible”, advertiu.
Por último, Héctor quixo ensinar as cámaras coas que traballa habitualmente, en especial unha analóxica pola que sente moito aprecio: “A imaxe non ten a mesma nitidez pero precisamente ese é o encanto” confesou o artista multidisciplinario ofrecendo como último consello o rexeitamento dos filtros: “Aprendede a mirar e ver ao voso arredor para buscar a foto pura. Moitas veces é cuestión de camiñar, pasar tempo e estar atento ao que acontece. Iso é o bonito”.
Recta final para recibir as fotografías do concurso
Xa estamos na recta final. O prazo límite para recepción das imaxes do concurso Imaxiña 2023 será o sábado 30 de decembro (ata as 00.00 horas).
Ata agora destacan o IES Alfoz-O Valadouro, o IES Monte Castelo e a Asociación Saúde Mental da Mariña como os centros máis participativos na iniciativa da Fundación Imdecum, que conta coa colaboración da área de Cultura da Deputación de Lugo.
Nesta edición, coma nas anteriores, estarán dispoñibles dúas categorías. A de Estudantes terá aberta a participación de nove centros educativos de Secundaria da bisbarra comarca mariñá: IES Alfoz-O Valadouro, IES Marqués de Sargadelos, IES Perdouro, IES Monte Castelo, IES María Sarmiento, IES Vilar Ponte, IES Dionisio Gamallo, IES Illa de Sarón e IES de Foz. Na categoría de Asociacións participarán ASPANANE, Fundación Eu Son, Asociación Saúde Mental A Mariña e Asociación Camiña.
Cada categoría contará cun premio, un vale por 150€ para gastar en material fotográfico ou informático en Informática Lindín.
Xunto a Héctor Manasé e o presidente de Imdecum, Marcelino Luna, a 13ª edición do concurso contará tamén co criterio do burelao David Mon, director de Kaito Estudios SL, e da fotógrafa cervense Sabela Blanco, colaboradora habitual do certame.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
