O voceiro popular denuncia que o abandono ao turismo dos últimos anos realizado por PSOE e BNG vese reflectido no paulatino descenso de recursos económicos e apoio dende a Deputación, polo que “agardamos que con Fitur recapaciten e vexan a importancia deste sector na provincia” e o apoien de forma decidida “algo que non se fixo nos últimos anos”
Lugo, 23 de xaneiro de 2024. Mañá comeza unha nova edición de Fitur e os deputados do Grupo Provincial Popular na Deputación de Lugo denuncian que aínda nada se sabe da promoción que realizará o goberno provincial nesta feita internacional de turismo.
O voceiro provincial popular, Antonio Ameijide, explica que Fitur “sirva como revulsivo” despois de comprobar como o turismo “non é unha preocupación” para o goberno de Tomé, a pesar “de que anos atrás, con goberno do Partido Popular á fronte da Deputación si que se coidou e tivo a este sector como unha referencia de xeración de riqueza e como un dos motores económicos da provincia”.
A realidade, explica Ameijide, é que José Tomé, dende que chegou a presidencia da Deputación de Lugo, “maltratou” ao sector turístico provincial, ata o punto de reducir a aportación económica para a difusión da imaxe da provincia en cada orzamento provincial.
Un exemplo de que o turismo era unha prioridade para os gobernos provinciais do Partido Popular “foi a aposta polos embarcadoiros e catamaráns, mentres Tomé prefire non coidalos ata o punto de crear un desguace para os catamaráns na nave que a Deputación de Lugo ten en Begonte”.
O voceiro popular indica que “é certo” que dan certa promoción á Mariña, pero “non se pode entender” que non se coiden as estradas xa que “o nulo mantemento realizado pola Deputación de Lugo nas estradas provinciais da Mariña dificulta a mobilidade a veciños e turistas, así como o acceso ás praias e puntos de interese turístico”.
Para os populares “é unha mágoa” que non se empregue o Consorcio de Turismo Provincial “como unha ferramenta de difusión da imaxe da provincia” na que todos os integrantes poidamos aportar o noso punto de vista “para acadar os mellores consensos para fomentar a chegada de turistas á provincia”.
Neste senso, Ameijide lamenta que dende o goberno provincial unicamente se empregue este órgano “como un lugar para facer unha rolda de prensa ao ano, a porta pechada, para indicar onde estivo o presidente provincial ao longo do ano”.
Por último, os populares piden que o goberno provincial coide, adecuadamente, as propiedades que ten para poder difundir a súa imaxe e atraer turistas. Neste senso, “non estamos en contra da adquisición de novos inmobles” como pode ser o Castelo de Doiras, “pero hai cousas que non se poden entender, como que se merque un inmoble por un prezo catro veces superior ao que a adquiriu o anterior dono para dar un beneficio de 690.000€ a unha fundación dirixida por un cargo socialista a nivel autonómico”.
“A realidade é que antes de adquirir novas propiedades a Deputación de Lugo debería de coidar adecuadamente as que xa ten”, finalizan.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
