A Organización de Produtores Pesqueiros do Porto de Burela valora “de forma moi positiva o arquivo de todo o proceso sancionador iniciado hai un ano (22 decembro 2022) contra o buque “Playa de Ril” por diferenzas na aplicación da normativa CITES entre España e Portugal por 12.231 kg de marraxo dientuso procedentes do Atlántico Sur”.
Burela, 5 de xaneiro, 2024. Un ano despois de iniciarse o procedemento, a resolución da xustiza portuguesa é absolutoria en todos os extremos e arquiva todo o proceso sancionador contra o buque pesqueiro galego e o seu patrón. O ditame coñeceuse xusto ao cumprirse un ano do seu inicio e considera que a conduta do patrón e do buque non poden considerarse neglixentes nin ilícitas, e que se debeu ás diferenzas na aplicación das normas entre España e Portugal. Ademais, a resolución aproveita para pedir ás autoridades CITES dos diferentes países da Comisión Europea que se coordinen nos seus procedementos.
O pasado 22 de decembro de 2022 a Direçao Rexional dá Conservaçao dá Natural e Forestas, dependente do Instituto dá Conservaçao dá Natureza e dás Forestas de Portugal, que xestiona as especies dos anexos A e B de CITES, iniciou un expediente sancionador no porto de Peniche ao buque español “Playa de Ril por unha suposta infracción ambiental moi grave sancionable cunha multa de entre 10.000 e 100.000 euros ao patrón do buque e á empresa como responsable subsidiaria”.
Esta actuación tivo unha gran repercusión mediática en Portugal e entre a frota española, xa que a información publicada confundía este expediente co apresamento doutros buques portugueses con peixe espada non declarado, apresamentos que non tiñan relación algunha co buque “Plaia de Ril”.
Posteriormente, e aínda que o Xulgado de Peniche xa desestimara a responsabilidade penal e se liberara a carga para a súa comercialización, o ICNF seguira co expediente administrativo sancionador, apoiándose no argumento dunha pesca ilegal e non documentada.
As alegacións presentadas polo buque contaban cun informe das autoridades CITES do Ministerio para a Transición Ecolóxica e o Reto Demográfico que demostraba que este buque estaba entre os autorizados para as capturas e comercialización do marraxo (publicado no BOE) e que seguira todos os procedementos establecidos en España.
Esta cuestión considérase de máximo interese na actualidade para a frota palangreira de superficie, xa que desde o pasado 25 de novembro a tintorera (quenlla ou tiburón azul), a súa principal especie das súas capturas xunto ao peixe espada, tamén está incluída no Anexo II de CITES.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
