Logo do inmenso desafío ao que se viu sometida a sanidade pública durante a pandemia, superado grazas ao esforzo e compromiso de todos os profesionais do SERGAS, toca agora recuperar a normalidade e seguir traballando por un sistema robusto e de calidade, que non só cure senón que preveña a enfermidade.
Desde Galicia soubemos dar este paso adiante traballando en tres frontes complementarias: dando prioridade ao servizo galego de saúde, ata o punto de que hoxe conta co maior orzamento da súa historia; cunha carteira de servizos sanitarios máis completa, tanto na atención primaria como hospitalaria; e intentando facer fronte, no ámbito das nosas competencias, á falta de médicos de familia e especialistas, o principal problema que afrontamos todas as comunidades e o conxunto do sistema nacional de saúde.
No ámbito dos recursos, os máis de 5.000M€ que a Xunta destina a sanidade superan amplamente a contía que se destinaba para este fin en 2009, cando o PP tomou as rendas do Goberno galego. Falamos dun incremento acumulado de case un 39% (+1.400M€), que permitirán afrontar o futuro nunha mellor posición.
No ámbito da extensión das prestacións sanitarias: Galicia conta hoxe co calendario de vacinación máis completo do mundo, coa ampliación dos programas de cribado para a detección precoz de enfermidades (extensión do cribado de cancro de cérvix e cancro de mama; reforzo do cribado neonatal, no que Galicia supera as 30 patoloxías fronte ás 7 da carteira estatal) e a implantación de novos servizos na rede hospitalaria, cos novos equipos de cirurxía robótica ou trombectomías do ictus nas áreas de Lugo e Ourense, ou o reforzo da capacidade resolutiva coa adquisición de novo equipamento como ecógrafos, retinógrafos, equipos de probas rápidas ou dispositivos diagnósticos.
A non dispoñibilidade de profesionais para contratar, para cubrir as baixas e as ausencias en moitos centros de saúde e hospitais, certamente escapa das capacidades dos servizos autonómicos de saúde e require dunha resposta nacional. Con todo, a Xunta ten liderado iniciativas dirixidas a loitar contra esta problemática como as melloras retributivas acordadas cos sindicatos, os cambios organizativos para diminuír a carga de traballo ou a novidosa oferta mediante concurso de méritos para as prazas de difícil cobertura. Só desde 2020 a Xunta creou máis de 400 prazas de persoal sanitario de atención primaria, reforzando os equipos de enfermaría, fisioterapia, farmacia ou traballo social ou incorporando nutricionistas e equipos de enfermería a domicilio.
Pero sería absurdo obviar que estas medidas deben vir acompañadas dun esforzo orzamentario e loxístico por parte do Goberno de España, en particular, dun incremento extraordinario de 1.000 prazas anuais para formar novos médicos, ademais de modificar o sistema de elección de prazas MIR, de xeito que non poidan quedar prazas sen cubrir, entre outras medidas.
Agora que se achega a cita coas urnas, os galegos teñen na súa man seguir avanzando nestes e en novos obxectivos, consolidar o traballo realizado e tamén poñer o foco na detección das áreas de mellora existentes pero facelo desde a xestión rigorosa e sincera.
O Partido Popular seguirá facendo novas propostas no seu programa electoral, froito da escoita e da experiencia que ofrece todos estes anos de goberno. A sanidade pública non se defende cambiando de ministro cada ano, nin detrás dunha pancarta e moito menos como fan BNG e PSOE, saíndo ás rúas cando saben que estamos a semanas de que se incorporen novos profesionais polo sistema de postos de difícil cobertura que eles votaron en contra. Non se debe frivolizar nin politizar a sanidade, senón coidala e sostela entre todos.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
