Elena Candia acompañada pola candidatura ás autonómicas, senadores, deputados e o grupo municipal popular asumiu dende Guntín “o compromiso de que na nosa axenda estean certezas e os asuntos que preocupan aos lucenses”
Lugo, 28 de xaneiro de 2024. O PP lucense defende a Lugo como “provincia de primeira” e polo tanto lamenta o castigo do Goberno de Sánchez que a considera “de segunda ou terceira”. En materia de infraestruturas, “o Goberno do PSOE, co apoio do BNG, mantennos illados con autovías paralizadas dende fai moito tempo, coma a A-54 e a A-56 que comunican Lugo con Santiago e Ourense”.
Integrantes da candidatura do PP ás autonómicas acompañados por senadores, deputados e compañeiros do Partido Popular reivindicaron dende Guntín “maior implicación do Goberno de Sánchez coa implantación de empresas na provincia e a mellora da rede viaria nacional que favoreza a súa competitividade e a comunicación diaria dos lucenses como no caso da A-54 e a A-56, que permitirían dispoñer de vías de alta capacidade coas que comunicarnos con Santiago e Ourense de forma rápida e segura”.
Concretamente, os populares condenan “os continuos atrasos na finalización das obras da A-54” e “a falta de vontade política e de aposta real pola A-56. E o que é peor, nin sequera manteñen en bo estado a N-540 que constitúe a principal vía de comunicación polo suroeste da provincia con Ourense e se atopa nun estado terceiromundista”.
Dende o PP lucense explican que “a falta de avances é o que desprende das respostas do Goberno ás preguntas dos senadores sobre as previsións para a posta en funcionamento destas autovías. Sobre a A-54, non foi capaz de dicir unha data para a súa posta en funcionamento e os lucenses seguiremos sen saber cando disporemos desta autovía con Santiago. E no caso da A-56, entre Lugo e Ourense, o mesmo: non hai ningún tipo de previsión”.
Os populares lamentaron tamén que “Sánchez estivera en Lugo, pero non ten no seu discurso – nin sequera sendo en clave electoral- as prioridades que temos os lucenses” e isto denota “falta de compromiso por parte do Goberno de Sánchez e dos que o apoian, como é o BNG que é cómplice necesario desta situación”.
A nº1 da candidatura do PP lucense e presidenta da formación popular, Elena Candia, foi moi crítica co presidente do Goberno porque “non dixo absolutamente nada das infraestruturas viarias que se atopan nun estado lamentable que pon en perigo ás persoas que a diario discorremos por elas”. Pero tamén polo seu “silencio inxustificado sobre a chegada da alta velocidade, por non dicir nada sobre o compromiso trasladado ao presidente da Xunta sobre o apoio a Altri nin comprometer o estatuto das electrointensivas que podería garantir un prezo da electricidade competitivo e, por conseguinte, contribuiría a garantir a continuidade dos postos de traballo”.
A popular considera que “este modelo de políticas que desprezan a Galicia non pode trasladarse á Xunta” porque “os lucenses e galegos merecemos infraestruturas, servizos e unha administración que xestione, responda e leve a cabo os proxectos que necesita a nosa provincia e a nosa comunidade autónoma”. Nesa liña, cren que “a propaganda do PSOE e do BNG non aporta nada a Lugo nin a Galicia, que o que precisa son feitos”.
PROXECTOS INNOVADORES E DE CORTE SOCIAL
Membros da candidatura do PP lucense visitaron as instalacións da planta de fabricación de astillas para calefacción da asociación Prodeme, en Monforte de Lemos, onde reivindicaron “a implantación de proxectos innovadores na provincia como fonte de oportunidades”. E, concretamente neste caso, subliñaron que “é posible que a innovación industrial vaia da man da integración social e dende o Partido Popular queremos seguir traballando de forma transversal polo desenvolvemento da nosa provincia e a xeración de oportunidades para todos e todas”.
O Centro Ocupacional de Prodeme está a permitir o desenvolvemento dun traballo moi relevante para a inserción social e laboral de persoas con capacidades diferentes. Unha obra social esta institución estende a outras actividades vinculadas ao sector agrario, a construción ou a recollida de aceites vexetais.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
