Foz, 19 de xaneiro de 2024. A concelleira socialista Inés López Couto resposta ás críticas do PP explicando que “o líder da oposición non se tería que enterar de nada pola prensa se acudira á comisión de asuntos preparatorios dos plenos a informarse, como é a súa obriga e como indica o seu posto de titular na mesma. Tamén podería acceder aos documentos do expediente que levan dende o luns á súa disposición. O señor Castiñeira continúa na súa liña de irresponsabilidade co seu pobo, non aportándolle nada, salvo palabras grandilocuentes e insultos ao alcalde”.
Inés López engade: “é obvio que calquera asunto que se vai levar a unha comisión ou un pleno é para aprobalo; as sesións son para dialogar, aportar e que existan medidas que melloren a vida dos veciños. Agora o voceiro do PP sae con leccións do 2011, pero non recorda que quen aprobou a suba á actual concesionaria en pleno foi el e o seu grupo, subida que condicionou a perda do xuízo contra a mesma, xa que non lles foi necesario moito esforzo para gañalo porque o Concello regalou a súa pel e a dos seus veciñ@s. O actual goberno tivo que facer fronte a máis de 700.000 euros anuais, incluso dos anos nos que el gobernou, aprobou a subida e non a pagou. Tamén debería explicar aos veciños o que supón o lugar que elixiu para a nova depuradora de Foz, cun bombeo que vai supor máis de 160.000 euros anuais en electricidade, máis de 15 euros ao ano por abonado, por empeñarse en levala por riba do nivel do mar. Falando mal, a merda non sube”.
E López Couto finaliza a contestación ao PP: “o mesmo de sempre, saír na prensa de forma, no seu caso, prepotente de verdade.”
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
