É o primeiro equipo que logra vencer ao Full Energía Zaragoza na súa cancha nesta tempada, chegando ao descanso con 6 goles de vantaxe
Burela, 20 de xaneiro, 2024. Esta tarde ás 19.00h no C.D.M. La Granja, en Zaragoza, xogábase a 16ª xornada e primeiro partido da segunda volta da Segunda División de Futsal, Full Energía Zaragoza – Pescados Rubén Burela FS. Tres puntos nada fáciles de conseguir para os de David Rial sendo La Granja o fortín do conxunto maño nesta tempada, ao non conseguir ser derrotados na súa cancha por ningún equipo en toda a primeira volta. Pero o Pescados Rubén rompeu o patrón e chegou arrasando a terras zaragozanas, anotando seis goles na primeira parte, dous na segunda e aguantando durante practicamente os 20 minutos deste segundo tempo a presión do rival con porteiro-xogador, demostrando ser merecedores do “título” desa “mellor defensa da Segunda División”.
Na primeira parte comeza o festival de goles no minuto 1, cun lanzamento afastado de Álex García tras unha recuperación, que abre o marcador 0-1. No minuto 3 téntao Fran Tabuenca dende dentro da área pero tópase co habitual Michal e no minuto 4 chega o 0-2 cun golazo de Ismael nun tiro frontal ao bordo da área tras un pase de Quelle. No minuto 7 o terceiro do Burela, tras un saque moi rápido de Álex García, que a pasa a Alberto, que á súa vez lla coloca a Malaguti e enchúfaa na portería dun rival desprevido. O conxunto mariñán arrasa durante esta primeira parte, non permitindo practicamente chegar a portería ao conxunto maño. No minuto 10 gol do capitán, Lucho, con asistencia de Ismael que lla pasa dende a outra banda e un minuto despois golazo de Charly que a lanza dende moi lonxe e cóalla ao porteiro do equipo zaragozano. No minuto 17 chega o 0-6 e o segundo de Álex García, que a coa dende o pau tras un pase de Alberto. Tras un pau do Zaragoza nun tiro de falta e un paradón de Michal a un tiro raso de Marcos desde o bordo da área, chega o descanso.
Comeza a segunda parte, con vantaxe, pero sabendo que vai tocar defender durante os 20 minutos. Arrinca o xogo xa coa presión do 5 para 4 por parte do conxunto de Alfonso Rodríguez, con Fran Tabuenca como porteiro-xogador. A mellor defensa da Segunda División resiste ata o punto de non deixar lanzar a portería ao rival durante o primeiros tres minutos e medio. É entón cando aparece o Muro Kaluza con dúas intervencións seguidas. Pero a presión continúa e chega o gol dos locais cun pase de Preciado a Fran Tabuenca, situado case na liña de gol, que lla coa a Kaluza. Un minuto despois chega o 1-7, cun gol de Isma a portería baleira. Ata 5 paradóns de Michal se suceden na segunda parte a longos disparos de Shunta, desde unha banda e a continuación dende a outra. No minuto 29 chega o 2-7 cun gol de Preciado nunha xogada ben executada con porteiro-xogador. E no minuto 36 chega o último do Burela, o 2-8, co segundo de Lucho case desde media pista a portería baleira. Tras a expulsión de Malaguti por dobre amarela no minuto 39, chega o 3-8 cun gol de Manu Franco estando o Pescados Rubén Burela FS con 4 xogadores (contando o porteiro) tras a expulsión de Malaguti.
Remata o encontro e os nosos Pícaros volven á casa noutro longo, aínda que un dos máis curtos, viaxes. O vindeiro sábado 27, enfrontaranse ao Real Betis “B”, por fin en Vista Alegre tras dous partidos seguidos en territorio hostil, no horario habitual en Burela, as 18.45h.
Ficha Técnica Full Energía Zaragoza – Pescados Rubén Burela FS
Full Energía Zaragoza (3): Fernandito; Fran Tabuenca, Muniesa (C), Manu Franco, Tabuenca, -quinteto inicial-, Marcos, Preciado, Pasamón, Shunta, Manu Cebrián, Iván Romero, David. Entrenador: Alfonso Rodríguez.
Pescados Rubén Burela FS (8): M.Kaluza; Isma, Alberto, Á. García, Malaguti -quinteto inicial-, Lucho (C), Quelle, Flethes, Charly, Ismael, Mika. Entrenador: David Rial.
Goles: 0-1, min.1: Álex García. 0-2, min.4: Ismael. 0-3, min.7: Malaguti. 0-4, min.10: Lucho. 0-5, min.11: Charly. 0-6, min.17: Álex García. 1-6, min.23: Fran Tabuenca. 1-7, min.25: Isma. 2-7, min.29: Preciado. 2-8, min.35: Lucho. 3-8, min.38: Manu.
Árbitros: Joel García Ribera, Javier García Sánchez, Jaime Lázaro Angulo, Nerea Camargo Santolaria.
TA: Fran Tabuenca, Muniesa, Pasamón, Quelle, Álex García.
TR: Malaguti (Doble Amarilla)
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
