As candidaturas aprobadas polo Consello Nacional “gañan impulso” con novas incorporacións e son reflexo dunha sociedade “diversa, plural e integradora”
Santiago de Compostela, 13 xaneiro, 2023. O Consello Nacional do BNG aprobou este sábado as “mellores candidaturas” para canalizar o voto do “cambio útil” nas eleccións do 18-F e abrir un novo tempo en Galiza. Unhas candidaturas que, segundo destacou a portavoz nacional e candidata á Presidencia da Xunta, Ana Pontón, “gañan impulso con novas incorporacións pero tamén apostan polo inmenso caudal de experiencia” acumulada durante os últimos anos polo grupo parlamentario. “A experiencia na oposición é un gran valor e un gran activo para liderar o próximo goberno de Galiza”, subliñou.
Pontón comprometeu a vontade de todos as candidatas e candidatos a “deixarse a pel” e a non “escatimar esforzos” para dar resposta a esa maioría social que quere cambio e ve no BNG a alternativa real para conseguilo. “Este é o momento do BNG, porque somos a forza do cambio útil para Galiza, somos a esperanza e a ilusión para todas as persoas que queren abrir un tempo novo, e imos deixarnos a pel para ofrecerlles a vitoria do cambio o 18F”, proclamou.
O pobo galego, proseguiu, afronta un momento decisivo na súa historia coa oportunidade de “colocar Galiza lugar que lle corresponde” da man dun goberno liderado polo BNG e tras corenta anos nos que o País tivo seis presidentes “todos homes e todos de forzas estatais” que non foron capaces de facelo, sostivo.
“É o momento de apostar por algo diferente, de apostar por unha muller na Presidencia e por unha forza libre de ataduras como o BNG”, afirmou, para solicitarlle aos galegos e as galegas a confianza e poder demostrar que co Bloque “a Galiza vaille ir moito mellor”.
Nun chamamento á mobilización masiva e a concentrar no BNG todo o voto do cambio como única alternativa para derrotar ao PP, Pontón advertiu de que “non se pode perder ningunha papeleta” porque existe unha maioría “que quere abrir un tempo novo” a partir do 18-F. “Hai moitas formas de sentirse galego e galega e todas son necesarias para construír a Galiza en grande que queremos e merecemos”, declarou nunha chamada a votar BNG tamén a aqueles que elixiron a paleta doutras forzas en anteriores citas electorais.
Preparados para gobernar dende a responsabilidade, a seriedade e o rigor
A candidata nacionalista proclamou “este é o momento de facernos cargo do goberno do País” e subliñou que no BNG “estamos preparados para gobernar desde a responsabilidade, a seriedade e o rigor”, para darlle á sociedade galego un goberno “sen ataduras nin servilismos a Madrid e que unicamente sexa leal aos galegos e as galegas”.
Fixo así un chamamento á militancia e á maioría social que quere cambio a afrontar a cita do 18-F dende a “esperanza e a ilusión”, convencida de que “hai partido” neste momento no que, ademais, o PP “entrou directamente en pánico”. Só así se explica, agregou, a xestión “tan incompetente, tan chea de mentiras e tan irresponsable” como a que están a facer na crise dos pellets, “repicando punto por punto o nefasto protocolo do Prestige”.
Dende a humildade, dixo, recomendoulle a Alfonso Rueda que “non menosprece a intelixencia dos galegos e das galegas intentando tapar con mentiras e insultos a súa nefasta xestión deste desastre ambiental”, advertindo que “o que prexudica a imaxe de Galiza é un goberno do PP sen rumbo, noqueado, superado polas circunstancias, incapaz de xestionar esta crise e que, ademais, ten nun total abandono a un dos sectores máis importantes do País”. Trasladou, neste sentido, todo o apoio do BNG á xente do mar.
No que se refire ás candidaturas aprobadas polo Consello, salientou que “o que funciona non se cambia” e, de aí, que Olalla Rodil, Noa Presas e Luís Bará renoven como cabezas de cartel en Lugo, Ourense e Pontevedra, respectivamente, mentres na Coruña Mercedes Queixas será a número dous na lista encabezada pola propia Pontón, que tivo para todos eles palabras de recoñecemento polo traballo feito nos últimos anos.
Destacou, ademais, a aposta pola igualdade dunhas candidaturas que combinan experiencia e renovación, cunha forte presenza de mulleres, con equilibrio territorial e nas que a mocidade “ten moito que dicir”. “As candidaturas do BNG son como a sociedade galega: diversa, plural e integradora”, apuntou, subliñando ademais o reflexo que van ter nas listas todos os ámbitos da sociedade con persoas “preparadas e ben formadas”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
