O novo centro pon ao dispor da pacientes da área da Mariña unha carteira con máis dunha decena de servizos, co respaldo do hospital da capital lucense
Viveiro, 18 de xaneiro de 2024. O Hospital Ribera Polusa, o centro sanitario do grupo Ribera en Lugo, chega á Mariña lucense coa incorporación dunha clínica en Viveiro que conta cunha carteira de servizos de máis dunha decena de especialidades.
Ribera Polusa comprou o decembro de 2023, a clínica Fouz de Viveiro, un centro con máis de 15 anos de presenza na localidade e que conta con oito gabinetes, oito postos de fisioterapia, unha sala de radioloxía e unha sala de ortopantomografía.
A nova clínica Ribera Polusa Viveiro está situada na rúa Antonio Bas número 4 e conta cunha carteira de servizo que inclúe, entre outros, Medicina Xeral, Radioloxía, Odontoloxía, Xinecoloxía, Podoloxía, Traumatoloxía, Otorrinolaringoloxía, Uroloxía, Fisioterapia, Unidade da Dor, Psicoloxía e Medicina Estética. Ademais, os pacientes poden acudir ao centro para realizar recoñecementos médicos e de prevención, consultas para crónicos, análises clínicas e consultas de enfermería.
“El hospital Ribera Polusa se acerca a la población de A Mariña lucense facilitándoles el acceso a nuestra cartera de servicios asistenciales. Esta nueva clínica evitará desplazamientos más largos y pone a disposición de los pacientes una oferta inicial muy completa que iremos ampliando con un futuro cercano”, explica o xerente, Javier Atanes. “Estas instalaciones de más de 400 metros cuadrados tienen un gran potencial y queremos aprovecharlo al máximo para mejorar la oferta asistencia a los vecinos de toda el área”.
O comité de dirección do Hospital Ribera Polusa organizou un acto de benvida nas novas instalacións este xoves que contou coa presenza da alcaldesa de Viveiro, María Loureiro García, e representantes de institucións e empresas da zona.
Este novo centro está plenamente integrado na operativa de Ribera Polusa e conta co respaldo en todas as súas actividades e servizos do hospital da capital lucense, así como da toda a rede do grupo sanitario.
Con esta adquisición, o grupo sanitario Ribera reforza a súa presenza en Galicia tras a adquisición en 2019 do Hospital Ribera Povisa de Vigo e o Hospital Juan Cardona de Ferrol en 2021, ademais do centro sanitario e a clínica Santo Domingo da capital lucense en 2020.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
