Foz, 12 de febreiro de 2024. A comisión organizadora do Entroido de Foz pide ao PP local que non politice esta festa.
“É vergoñento querer sacar tallada dunha festa que é dun pobo, non diferenciar o que debe ser político do que non, só por ter un minuto de gloria. Se quere deixámoslle un micrófono no seguinte evento”, manifesta a concelleira de Cultura de Foz, Inés López Couto, en resposta ás críticas dos populares.
A comisión organizadora lamenta a situación que se produciu o sábado pasado, no momento da finalización da entrega de premios, “no que houbo un momento de estrés nos accesos. Rapidamente persoal da organización, entre eles o concelleiro de Festas e o alcalde axudaron nas decisións necesarias para despexar o acceso. Lamentamos este incidente. Pedimos perdón a quen se sentira pouco seguro. O Entroido de Foz ten un traballo moi fondo detrás. Conta con plan de autoprotección, organízanse xuntas de seguridade con todos os corpos, Garda Civil, bombeiros, Protección civil, Policía Local, redactores do plan de seguridade e a mesma comisión formada polo Concello e o Noso Foz, ademais de contar con seguridade privada e cunha ambulancia con dous técnicos na porta para calquera problema. Hai moita xente implicada para que todo saia o mellor posible, e cada ano se melloran cousas. Obviamente estudiarase o ocorrido e tomaranse as medidas oportunas para que non volva pasar”, explica a concelleira de Cultura.
Inés López engade: “non vamos a entrar a falar sobre speakers porque o Partido Popular continúa faltando ao respecto e non é novo. Os técnicos de Cultura fan o seu traballo, que nunca é coller un micrófono. Quizais aprenderon no mitin de Rueda en Viveiro (realizado o sábado 10, o mesmo do día grande do Entroido de Foz) moito sobre medidas de seguridade, pero no noso caso confiamos en profesionais e agora tomaranse as medidas oportunas para que non volva a suceder. Deséxamos que non alimenten bulos. Que sexan responsables co seu pobo e co traballo que se realiza para que cada día funcione mellor. E non intentar prexudicalo utilizando calquera cousa para iso. Cremos que Foz e o seu Entroido merece un respecto. Seguiremos traballando para que Foz continúe sendo un referente no Entroido, o que se demostra cando nin chovendo e facendo frío para. Cun desfile con record de participantes e cunha asistencia de público fiel que se quedou ata o remate. A tod@s grazas!”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
