“Falar de reindustrialización non é vir a Galicia e dicir como fixo a ministra Ribera no me lo sé, ou como dixo o ministro Hereu que non se puxeron co proxecto ata decembro; falar de reindustrialización é, dixo, dar certezas para que nesta comarca se poidan crear 2.500 empregos e investir 900 millóns de euros, tal e como dende o Goberno galego se leva traballando”, apuntou Lorenzana
Palas de Rei, 5 de febreiro de 2024. Membros da candidatura do PP lucense ao Parlamento galego, alcaldes e voceiros das comarcas de Chantada, A Ulloa e os concellos limítrofes da provincia de A Coruña -Melide, Arzúa, Toques e Santiso-, así como da responsable de Economía, Industria e Innovación e candidata pola provincia da Coruña, María Jesús Lorenzana, adiantaron que o Partido Popular instará no Congreso ao Goberno do Estado garantir a viabilidade de Altri e o acceso a fondos europeos Next Generation.
A petición dos populares xurde logo de que, “en menos de 48 horas, dous ministros desautorizasen o compromiso que o presidente do Goberno lle trasladou hai ano e medio ao presidente da Xunta, cando publicamente aseguraba o apoio do seu Executivo a este proxecto que é unha oportunidade significativa para o desenvolvemento económico e a innovación industrial en Galicia”.
Por este motivo, dende o PP instan ao Goberno non só a rectificar senón a dar un paso máis e colaborar coa empresas e os posibles socios potenciais para fortalecer a cadea de valor e garantir un impacto económico sobre o emprego local, ademais de modificar a Planificación Eléctrica 2021-2026 para asegurar a construción da subestación eléctrica para que a planta teña o abastecemento enerxético necesario.
“Falar de reindustrialización non é vir a Galicia e dicir como fixo a ministra Ribera no me lo sé, ou como dixo o ministro Hereu que non se puxeron co proxecto ata decembro; falar de reindustrialización é, dixo, dar certezas para que nesta comarca se poidan crear 2.500 empregos e investir 900 millóns de euros, tal e como dende o Goberno galego se leva traballando”, apuntou Lorenzana.
A este respecto, a titular de Economía, Industria e Innovación manifestouse moi crítica, pois “este Goberno socialista, apoiado polos independentistas, é responsable de deixar a Galicia fóra da planificación enerxética, ao limitar os investimentos na nosa Comunidade ao 2,6%, establecendo así unha discriminación con respecto a outras CCAA”.
ENCONTROS EN SARRIA, MONFORTE E QUIROGA
Lorenzana continuou o seu periplo pola provincia cunha visita á granxa Campomayor, tamén en Palas de Rei; e mantivo encontros con comerciantes de Sarria, con empresarios de Monforte e de Quiroga. Foi, precisamente, na cidade do Cabe, e acompañada das candidatas ao Parlamento número 6 e 11, Raquel Arias e Katy Varela, onde puxo en valor a aposta do Goberno de Alfonso Rueda para activar a nova Oficina Económica de Galicia; un canal único que permitirá reducir ata un 50% os tempos de tramitación dos expedientes administrativos. Trátase, explicou, dunha das novidades do Igape para este ano que xorde “para apoiar ao tecido empresarial”.
O Igape suma así unha nova variante á batería de medidas de apoio ás empresas que ten á súa disposición e que buscan dar un salto en innovación tecnolóxica, automatizando e axilizando os procesos internos e mellorando a competitividade empresarial no cambiante escenario actual. Trátase dunha aposta pola competitividade que centrará gran parte dos programas do próximo exercicio, sumando cerca de 80 millóns de euros do total do orzamento da entidade.
Para iso, habilitaranse distintas ferramentas, entre as que destaca a nova liña de incentivos e apoios para a atracción e implementación de empresas, con 30 millóns en tres anos en proxectos significativos, tanto por volume de investimento —entre 800.000 e 10 millóns de euros en activos fixos tanxibles e intanxibles— como por creación neta de emprego —máis de 25 novos postos de traballo-.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
