A candidata do BNG destacou “a potencialidade do Campus de Lugo” no eido da investigación ligada ao sector primario
Lugo, 7 de febreiro de 2024. A cabeza de lista ao parlamento galego polo BNG, Olalla Rodil, xunto con Montserrat Valcárcel, número 3 da candidatura e doutora en enxeñaría agrónoma, mantiveron un encontro con investigadoras e investigadores do campus de Lugo para presentar as propostas do BNG neste eido. Rodil pediu o apoio para o BNG o vindeiro 18 de febreiro para “dar a volta aos 15 anos perdidos que levamos en materia de I+D+i pola desidia do PP, que non considerou a investigación e a ciencia como unha materia estratéxica”.
Olalla Rodil cualificou á investigación como un “eixo estratéxico para o desenvolvemento económico e a modernización da Galiza”, e destacou a potencialidade do Campus de Lugo, cunha oferta formativa e unha labor de investigación moi ligada co sector agrogandeiro. Rodil anunciou a creación do Innogal, “unha Fundación galega para a ciencia, entendida como unha fundación sen ánimo de lucro, con personalidade xurídica propia e independente cuxo obxectivo é impulsar, promover e desenvolver a investigación e xeración de coñecemento científico, humanístico e tecnolóxico en beneficio da sociedade, do Sistema Universitario Galego, dos centros de investigación e, en xeral, do ecosistema investigador de Galiza”, explicou a candidata, e engadiu “impulsaremos a cooperación e coordinación entre os distintos axentes do ecosistema investigador galego a través da creación da Rede galega de coñecemento, ciencia e tecnoloxía”.
Actualmente, Galiza está á cola do investimento en I+D+i con respecto ao resto do estado, investindo só o 1,1% do PIB, mentres que a media estatal é do 1,43% e a europea do 2,3%. O BNG propón unha batería de medidas para reverter esta situación, comezando polo incremento do investimento en ciencia I+D de maneira progresiva até alcanzar o 3% do PIB en 2030, e adicar á ciencia e I+D, o 3% dos orzamentos. De cara a mellorar as condicións profesionais do persoal, o BNG desde a Xunta de Galiza definirá unha carreira profesional investigadora para todo o persoal científico – técnico que desenvolve a súa actividade nos centros de investigación e prestación de servizos tecnolóxicos, e creará unha verdadeira Axencia Galega da Ciencia que coordine os diferentes grupos científicos incentivando a colaboración no sistema científico, centralizando a xestión e orientando o sistema investigador cara á resolución dos problemas da sociedade.
A candidata do BNG afirmou que Galiza precisa un goberno “que aporte solucións para deixar atrás os quince anos de nefasto legado que deixa o PP”, e animou a todas as persoas “a votar BNG independentemente do voto que deran noutras eleccións, somos a única forza coas mans libres para mellorar a vida das galegas e galegos sen ter que obedecer ás ordes dos partidos estatais”.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
