Ribadeo, 12 de febreiro de 2024. Ribadeo repartirá 6.900 euros en premios no Desfile do Antroido que terá lugar mañá, martes, festivo local. A saída será ás 17:30 horas desde a Avenida Rosalía de Castro para percorrer as principais rúas da vila e rematar diante do Pazo de Ibáñez.
Moitas foron as actividades que se desenvolveron esta pasada fin de semana. Na madrugada do sábado tivo lugar un sorteo na praza da Fonte Nova, entre todas aquelas persoas que consumiron na hostalería local e que ían debidamente disfrazadas, tal e como recollían as bases da convocatoria. Foron sorteados 2.000 euros doados polas charangas A Choca e Aturuxo; 500 euros doados polos locais da zona vella; e 200 euros en vales de compra doados por Acisa.
A comparsa do cocho foi a encargada de animar o domingo en Ribadeo, acompañada do cuarteto Illa Pancha, das charangas locais e das mascaritas, que encheron de enxeño e bo humor a vila. Ás dúas da tarde houbo concentración de mascaritas no Cantón, e outro importante sorteo: unha viaxe para dúas persoas ao Carnaval dos Indianos de Santa Cruz de La Palma en 2025; e unha noite nun Parador de Turismo, xentileza de Paradores.
A festa do freixó, o sábado e domingo, e o baile infantil na discoteca Rosalar, na tarde de onte, foron outras das actividades desenvolvidas durante a fin de semana.
Desde o Concello indican que “esta edición do Antroido de Ribadeo afonda e quere darlle o protagonismo a aqueles elementos que o caracterizan, que o fan único, porque nun mundo globalizado coma no que vivimos só a nosa singularidade nos vai facer destacar”.
E subliñan que “o que fai diferente o Antroido ribadense dos de arredor son a mascarita, a comparsa do cocho e a queima do Entroido. Así que este ano, toca vivir intensamente tamén as xornadas nas que estas tres figuras son as protagonistas para que así, aos poucos, de edición en edición, o Antroido de ribadeo teña a marca de singularidade que precisa para afianzarse e medrar. E o desfile ten que converterse nun escenario para que cada vez máis mascaritas nos asombren coa súa chispa, coa súa retranca e coa súa creatividade”.
E lembran que “en tempos, nos bos tempos do Antroido, o éxito era seguir dando que falar cando os días da festa remataban, porque morriamos da risa lembrando a que armaran aquela veciña ou aquel veciño, ou aquela pandilla que ao mellor nin sabiamos de onde saíran”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
