Partido claramente dominado polo conxunto local no que Pitero e Rikelme volveron, de momento ao banquillo, cos seus compañeiros
Burela, 9 de marzo, 2024. Esta tarde ás 18.45h no pavillón municipal Vista Alegre de Burela, xogábase a 23ª xornada de Segunda División de Futsal, Pescados Rubén Burela FS – Inagroup El Ejido, cun resultado final 4-0. Un encontro dominado practicamente de principio a fin polo conxunto mariñán, con dobrete dun moi destacado Ismael.
Comeza o xogo e xa no minuto 3 Isma pode adiantar o marcador cun disparo que desvía Jesús coas mans a córner e no 6 Michal salva o primeiro gol en contra, parando co pé un trallazo de Ión Cerviño. Chega o 1-0 no minuto 10 co primeiro golazo de Ismael tras unha recuperación a media pista. No minuto 16 dobre oportunidade para o Burela que non consegue finalizar con éxito Alberto e segundos despois chega o 2-0 e segundo golazo de Ismael cunha preciosa vaselina que non logra deter Jesús. Chega o descanso cunha poderosa vantaxe para os burelenses.
No segundo tempo, un sempre entregado Isma case a mete pola escuadra nun lanzamento cruzado xa no minuto 21 e no 23 un disparo de Malaguti desde case o bordo da área sae a córner tras un paradón de Jesús coa cara que o deixa indisposto durante uns segundos. No 24 volve sacala Jesús a córner, esta vez coa man, tras un disparo de Charly. Continúa o claro dominio do Pescados Rubén, aínda que nos minutos 31-32 o conxunto visitante comeza a presionar. No minuto 32 o noso muro polaco volve salvar unha falta moi perigosa co pé. No minuto 34, José Escrich opta polo xogo de 5 con David Señoret como porteiro-xogador, o que lle custará os dous goles máis ante unha defensa impenetrable. Na primeira xogada de presión con 5 para 4 do equipo ejidense Quelle logra o 3-0 cun disparo longo a portería baleira. No minuto 36 un bonito remate de Charly directo á escuadra é desviado a córner de novo por Jesús e no 38 chega o 4-0 cun bonito gol de Malaguti dentro da área tras unha recuperación. Continúa presionando con porteiro-xogador o Ejido non conseguindo puntuar finalmente en todo o encontro.
A próxima fin de semana ás 19.00h os nosos Pícaros enfrontaranse ao segundo clasificado e durísimo rival, o Sala 10 Zaragoza, en territorio hostil. Un dos partidos máis difíciles da tempada que privará de 3 puntos a un dos dous equipos, nos postos altos da clasificación, podendo manterse aínda o Burela no terceiro posto tras a vantaxe conseguida nesta xornada despois da derrota do Ceutí ante o Martorell.
Ficha Técnica Pescados Rubén Burela FS 4-0 Inagroup El Ejido
Pescados Rubén Burela FS (4): M.Kaluza, Lucho (C), Quelle, Isma, Malaguti – quinteto inicial-, Pitero, Rikelme, Alberto, Flethes, Álex García, Charly, Ismael, Mika. Entrenador: David Rial
Inagroup El Ejido (0): Jesús; Josete, Peña, David Señoret, Beto -quinteto inicial-, Juanan, Amin, Ion Cervio, Mendive, Juan Carlos, Evaristo, Jaime. Entrenador: José Escrich.
Goles: 1-0, min.10: Ismael. 2-0, min.16: Ismael. 3-0, min.34: Quelle. 4-0, min.38: Malaguti.
Árbitros: Francisco Javier Marazuela Hernando, Sergio Toral Heredia, Adrián Figueroa Veiga, Berta García Vázquez.
TA: Flethes, Tulio García, David Rial, Isma, Álex García, José Escrich, Juanan, Amin, Beto.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
