Partido moi competido no Javier Imbroda entre o primeiro e segundo clasificados
Burela, 9 de marzo, 2024. Ás 16.30h desta tarde, no pavillón Javier Imbroda Ortiz, de Melilla, disputábase o partido da a 22ª xornada de Primeira División Iberdrola, Melilla Ciudad Deporte Torreblanca – Pescados Rubén Burela FS, cun resultado final 1-2. Primeiro e segundo clasificados enfrontáronse nun partido tan competido como se esperaba debido ao grandísimo nivel de ambos os conxuntos. Cunha primeira parte que concentrou todos os goles e sen ningún na segunda pero con bo ritmo e numerosas oportunidades por parte dos dous rivais.
Na primeira parte domina o Pescados Rubén ata o minuto 3 no que abre o marcador o Melilla cun gol de Juliana tras unha bonita deixada de Ana Luiza. Continúa presionando o Burela xerando moitas e boas ocasións pero sen conseguir finalizar con acerto. Aumenta a presión do conxunto rival, no minuto 10 Caridad salva o segundo gol cun paradón a un disparo de Bía tras un pase de Juliana nunha ofensiva e no 11 outra ocasión clara das locais nun tiro de falta directo que salva Dany despexando o balón á banda. Sucédense as oportunidades por parte dos dous equipos ata que chega o empate, cun golazo de Cilene pola escuadra nun disparo afastado. Continúan as oportunidades, no 18 un trallazo de Dany a pase de Patricia e a continuación outra nunha falta perigosa para o Burela que se vai pola liña de fondo. No minuto 19 o Burela adiántase no marcador cun golazo de Antía Pérez, tamén pola escuadra, nun saque directo de falta que fulmina á porteira internacional do conxunto rival. Presiona o conxunto local ata o descanso, a segundos do mesmo o Torreblanca pode empatar o partido nunha falta moi perigosa sobre a liña da área, pero despexa Cami a córner.
No segundo tempo múltiples oportunidades que non conseguen entrar en ningunha das dúas porterías por parte dos dous equipos. Moito xogo de balón e dominio do Burela, aínda que cos minutos bastante repartidos. No minuto 30 Irene Samper pode avantaxar con maior folgura ao Burela pero Silvia interponse no seu camiño e no mesmo minuto Amandinha ten posiblemente a ocasión máis clara do partido nun disparo ao primeiro pau que rebota no segundo sendo o balón alcanzado por Caridad antes de que supere a liña de meta. Sucédense varias oportunidades, entre outras, dúas de Emilly nos minutos 35 e 36 que saen fóra e outra de Irene no mesmo minuto. No minuto 38 comeza a atacar con xogo de cinco o conxunto melillense, con Thais de porteira-xogadora ocasionando unha primeira ocasión no primeiro ataque. Defende o Pescados Rubén Burela FS con todo o afán ata o final, con alta presión do Melilla Ciudad Deporte Torreblanca que a 15 segundos do final ten a súa última oportunidade cun disparo potentísimo de Juliana, non logrando superar á nosa porteira, Caridad.
As nosas Guerreiras Laranxas, do mesmo xeito que os demais equipos da categoría, descansarán a próxima fin de semana da liga e moitas viaxarán coas súas respectivas seleccións. Na seguinte xornada, día 23 de marzo, as burelenses enfrontaranse ao LBTL Futsal Alcantarilla en Vista Alegre ás 18.45h.
Ficha Técnica Melilla Ciudad Deporte Torreblanca 1-2 Pescados Rubén Burela FS
Melilla Ciudad Deporte Torreblanca (1): Silvia; Lydia, Ana Luiza, Amandinha, Juliana -cinco inicial-, Jhennif, Silvinha, Thais, Jane, Bia, Bia (P). Entrenador: Morenín.
Pescados Rubén Burela FS (2): Caridad; Cami, Irene Samper, Rafinha, Patricia, – cinco inicial-, Dany (C), Cilene, Antía Pérez, Cris Blanco, Aroa, Emilly, Ana Eliza (P). Entrenador: Julio Delgado
Goles: 1-0, min.3: Juliana. 1-1, min.14: Cilene. 1-2, min.19: Antía Pérez.
Árbitros: Antonio Jesús García Robles, David Vela Bozada, Usama Sebti Mohtar, Rafik Mohamed Mohamed.
TA: Juliana, Ana Luiza, Jhennif.
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
