Ribadeo, 11 de marzo de 2024. O Concello renova e arranxa o ascensor panorámico de Ribadeo. O alcalde, Dani Vega, subliña que a zona conta con vídeo vixilancia.
O rexedor dixo que “durante este tempo estivemos arranxando o ascensor panorámico. Levaba un tempo pechado, pero era por un motivo, porque estaba completamente abandonado e tiñamos que solucionar os problemas que sufría”.
Vega manifestou que “nosoutros podiamos buscar responsables e explicar perfectamente o abandono que tivo durante todo este tempo, pero eu creo que o que hai que facer é solucionar os problemas. É verdade que Orona nos trasladou un informe moi duro, que explica perfectamente que o ascensor panorámico tivo unha falta de inversión durante moitos anos e como consecuencia son as avarías de hoxe”.
O alcalde declarou: “nosoutros solucionámolas, é dicir arranxamos todas as avarías do ascensor, renovamos o cadro eléctrico que estaba nunha situación de ilegalidade e tamén falamos coa empresa para ir facendo paulatinamente mais inversións. Tamén fixemos unha cousa que é moi importante: dotar de seguridade ao ascensor, vai ser unha zona vídeo vixiada e tamén queremos dicir con moita claridade que tivemos que pintar todo, porque estaba todo cheo de pintadas tanto nas escaleiras como nas portas ou mesmo dentro do ascensor”.
Para Dani Vega: “si queremos trasladar a mensaxe de que Ribadeo é ese pobo turístico debemos traballar pola excelencia, iso é algo complexo, non é fácil, non se fai en dous días, pero é verdade que con ganas, con vontade e con planificación se pode ir mellorando a situación. O ascensor de hoxe non é o de antes, é moderno, conservado, limpo e imos estar permanentemente coidando ese punto turístico moi importante e que debemos ter claro que si temos infraestruturas que dan un servizo a veciños e turistas debemos telas conservadas. O importante non é facer obras por facer, o importante é facelas, conservalas, mantelas e telas en perfectas condiciones”.
O rexedor ribadense engadiu: “desde logo nosoutros imos seguir neste traballo. Nosoutros non perdemos o tempo en buscar culpables, sabémolo perfectamente, pero o que queremos é buscar a solución e traballar para o conxunto dos cidadáns. E iso foi o que se fixo co ascensor panorámico, que estaba completamente abandonado, e agora temos un ascensor renovado, limpo e un punto turístico moi importante que ten Ribadeo”.
O ascensor panorámico xa está en funcionamento.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
