Ribadeo, 20 de marzo de 2024. Ribadeo inicia os trámites para o deseño da súa bandeira. O acordo foi aprobado por unanimidade no pleno celebrado onte.
O alcalde, Dani Vega, contou que “abordamos cuestións como a proposta de inicio do expediente para a aprobación da bandeira de Ribadeo. Creo que é importante que nos elementos que nos representen teñamos unanimidade dos grupos políticos, así foi e vaise coordinar desde o Concello de Ribadeo, desde unha comisión municipal para facer o estudio e análise da futura bandeira de Ribadeo, que estará formada pola comisión de asuntos xerais na que están todos os grupos políticos representados, o cronista oficial de Ribadeo, o Instituto Padre Sarmiento, a Dirección Xeral de Administración Local e o Consello da Cultura Galega. Houbo unha unanimidade e creo que desde a unidade imos aprobar un elemento que nos vai representar a todos como é a bandeira do Concello de Ribadeo”.
Na sesión plenaria tamén se abordaron asuntos relativos á creación de emprego. “En colaboración co Concello de Barreiros teremos dous obradoiros. O dual Constrúe en verde e tamén outro de garantía xuvenil Máis Emprego. A unidade de Concellos como Ribadeo e Barreiros é algo importante e que tamén trae cousas moi positivas e relevantes para a creación de emprego”, declarou o rexedor ribadense.
Vega explicou que “no pleno tamén se someteu a aprobación a modificación do regulamento dos cemiterios municipais. O que quixemos foi desatascar, solucionar e darlle unha resposta a moitas familias. Imos darlle axilidade administrativa. Moitas persoas tiñan en posesión un nicho e se non o querían ter non se podían desfacer del, soamente a un familiar. Iso non nos parecía moi xusto. Agora se un titular dun nicho non o quere, reverte na propiedade que é o Concello de Ribadeo e o Concello fai un sorteo público para que todas aquelas persoas que precisan unha sepultura poidan concorrer a el. Agora tamén hai unha segunda proposta, que é a construción de máis nichos, a ampliación do cemiterio”.
Abastecemento de auga
O alcalde subliñou que “imos tamén falar dun tema moi importante durante os vindeiros tempos, que é o estudio de viabilidade económica e financieira e a revisión de prezos para o contrato de servizos de abastecemento de auga, saneamento e depuración. Estamos a falar dunha licitación moi importante de máis de 24 millóns de euros. É algo moi importante para Ribadeo o abastecemento de auga, investir e poñer solucións a moitos problemas que temos aquí. A primeira parte quedou aprobada por unanimidade no pleno de onte e seguiremos a traballar neste asunto”.
Para Dani Vega “o de onte foi un pleno moi construtivo no que demos solución a moitos problemas e nesta liña imos seguir: traballando, xestionando, e dando resposta a moitas problemáticas, pero traballando en conxunto é como solucionan”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
